ଫୁଲବାଣୀ, ୫/୯ : ଗୁରୁ ଦିବସ ଅବସରରେ ଫୁଲବାଣୀର ଦି ଇଭରଗ୍ରୀନ ପ୍ରାତଃଭ୍ରମଣ ଗ୍ରୁପ ପକ୍ଷରୁ ଏକ ଗୁରୁ ପୂଜନ କାର୍ଯ୍ୟକ୍ରମ ଆୟୋଜିତ ହୋଇଛି। ସ୍ଥାନୀୟ କରୋନେସନ ପଡିଆ ଠାରେ ପ୍ରାତଃଭ୍ରମଣ ଗ୍ରୁପର ସଦସ୍ୟମାନଙ୍କ ଦ୍ୱାରା ବରିଷ୍ଠ ଶିକ୍ଷକ କୈଳାଶ ଚନ୍ଦ୍ର ପ୍ରାଣୀଗ୍ରାହୀଙ୍କୁ ପୂଜନ କରାଯାଇଥିଲା। ସଦସ୍ୟମାନେ ତାଙ୍କୁ ପୁଷ୍ପ ଅର୍ପଣ କରି ଧୂପ ଦୀପରେ ପୂଜା କରିବା ସହ ଉପଢୌକନ ଦେଇ ସମ୍ବର୍ଦ୍ଧିତ କରିଥିଲେ। 

ଏହି କାର୍ଯ୍ୟକ୍ରମରେ ଅସିତ କୁମାର ପଣ୍ଡା, ଡଃ. ସି. ନାରାୟଣ ସୁବୁଦ୍ଧି, ରାମ ନାରାୟଣ ପାତ୍ର, ସୂର୍ଯ୍ୟ ନାରାୟଣ ରାଉତ, କାହ୍ନୁ ଚରଣ ପାତ୍ର, ଶିଶିର କୁମାର ଦାଶ, ଡମ୍ବରୁ ଧର ସାହୁ, ପ୍ରଦୀପ ନାୟକ, ଆନନ୍ଦ କୁମାର, ଆଶିଷ କୁମାର ମିଶ୍ର, ଅନାଦି ଚରଣଙ୍କ ସମେତ ଶତାଧିକ ସଭ୍ୟ ଯୋଗଦେଇ ଗୁରୁ ପୂଜନରେ ଭାଗ ନେଇଥିଲେ।