ନୂଆଦିଲ୍ଲୀ : ଡୋନାଲ୍ଡ ଟ୍ରମ୍ପ ଆମେରିକାର ଆସନ ସମ୍ଭାଳିବା ପରେ ଘୋଷଣା କରିଥିଲେ ଯେ , ସେ ପ୍ରଥମ ବିଦେଶ ଗସ୍ତ ସାଉଦୀ ଆରବକୁ କରିବେ। ହେଲେ ଏହା ପଛରେ ତାଙ୍କର ମୂଲ୍ୟ ଭରିବା କଥା କହିଥିଲେ। ଟ୍ରମ୍ପଙ୍କ କହିବାର ଅର୍ଥ ବଡ଼ ନିବେଶ ପାଇଁ ଥିଲା। ୨୦୧୭ରେ ମଧ୍ୟ ପ୍ରଥମ କାର୍ଯ୍ୟକାଳ ବେଳେ ଟ୍ରମ୍ପ ପ୍ରଥମ ବିଦେଶ ଗସ୍ତ ସାଉଦୀ ଆରବ ହିଁ କରି ଥିଲେ। ଟ୍ରମ୍ପଙ୍କ ରାସ୍ତାରେ ସିରିଆର ନୂଆ କିଙ୍ଗ ଅହମ୍ମଦ ଅଲଜଶରାଆ ଓରଫ୍ ଗୋଲାନୀ ମଧ୍ୟ ସାଉଦୀ ଆରବ ହିଁ ପ୍ରଥମ ବିଦେଶ ଗସ୍ତକୁ ବାଛିଲେ। ବଶର ଅଲ –ଅସଦଙ୍କ ସରକାରର ପତନ ପରେ ସିରିଆରେ ନୂଆ ସରକାରର ସର୍ବେସର୍ବା ଗୋଲାନୀ ରବିବାର ପ୍ରଥମ ବିଦେଶ ଯାତ୍ରାରେ ସାଉଦୀ ଆରବରେ ପହଞ୍ଚି ଥିଲେ। ସିରିଆର ଏହି ଗସ୍ତ ଇରାନ ଓ ରୁଷ୍ ପାଇଁ ବଡ଼ ଝଟକା ଥିଲା।
ସିରିଆର ଅନ୍ତରୀଣ ରାଷ୍ଟ୍ରପତିଙ୍କ ସାଉଦୀ ଆରବ ଗସ୍ତ ଇରାନ ଓ ରୁଷ୍ ପାଇଁ ଚିନ୍ତାର ବିଷୟ ପାଲଟିଛି। ଏହା ଏଥିପାଇଁ କାରଣ ସିରିଆ ଓ ଇରାନର ବର୍ଷ ବର୍ଷର ପୁରୁଣା ବନ୍ଧୁତା ରହିଛି। ଅସଦ ସରକାର ସମୟରେ ସିରିଆର ଇରାନ ଓ ରୁଷ୍ ସହ ବହୁତ ଭଲ ସଂପର୍କ ଥିଲା, କିନ୍ତୁ ସିରିଆ, ଇରାନ ସ୍ଥାନରେ ପ୍ରଥମ ବିଦେଶ ଗସ୍ତ ସାଉଦୀ ଆରବକୁ ପସନ୍ଦ କରିଛି। ସିରିଆର ଏହି ପଦକ୍ଷେପ ତାର କ୍ଷେତ୍ରୀୟ ଗଠବନ୍ଧନରେ ପରିବର୍ତ୍ତନର ସଙ୍କେତ ଦେଇଛି।
ଇରାନ ଓ ରୁଷ୍କୁ କେମିତି ଝଟକା –
ସାଉଦୀ ଆରବ ସେହି ଆରବ ଦେଶ ଗୁଡ଼ିକ ମଧ୍ୟରେ ସାମିଲ ଥିଲା, ଯିଏକି ୨୦୧୧ର ଆରବ ସ୍ପ୍ରିଙ୍ଗ ବିରୋଧ ପ୍ରଦର୍ଶନ ପରେ ରାଷ୍ଟ୍ରପତି ବଶର ଅଲ-ଅସଦଙ୍କୁ କ୍ଷମତାରୁ ହଟେଇବା ପାଇଁ ବିଦ୍ରୋହୀ ଗ୍ରୁପଙ୍କୁ ପାଣ୍ଠି ପ୍ରଦାନ କରିଥିଲା। କିନ୍ତୁ ଇରାନ ଓ ରୁଷ୍ର ସମର୍ଥନରେ ଅସଦ ଏହି ଯୁଦ୍ଧକୁ ସନ୍ତୁଳିତ ସ୍ଥିତିରେ ପହଞ୍ଚାଇ ଦେଲେ। ହେଲେ ଡିସେମ୍ୱର ୨୦୨୩ରେ ଗୋଲାନଙ୍କ ନେତୃତ୍ୱରେ ହୋଇଥିବା ହଠାତ୍ ହମଲା ସିରିଆର ସ୍ଥିତିକୁ ବଦଳାଇ ଦେଲା। ତାଙ୍କର ହୟାତ ତହରୀର ଅଲ-ଶାମ (ଏଚଟିଏସ) ନାମକ ଗ୍ରୁପ୍ କିଛି ଦିନରେ ଅସଦଙ୍କ ସରକାରର ପତନ କରାଇଲା।
ଗୋଲାନୀ, ଇରାନ ଓ ରୁଷ୍ ଉଭୟ ଠାରୁ ଦୂରତା ବଜାୟ ରଖିଛନ୍ତି। ଇରାନ ଏବେସୁଦ୍ଧା ଡାମାସ୍କସରେ ନିଜର ଦୂତାବାସ ପୁଣି ଥରେ ଖୋଲି ନାହିଁ। ଯାହା ପ୍ରଥମେ ସିରିଆ ,ଲେବାନନର ହିଜବୁଲ୍ଲାହ ଓ ଅନ୍ୟ ସହଯୋଗୀଙ୍କ ମଧ୍ୟରେ ସମନ୍ୱୟର ଏକ ପ୍ରମୁଖ କେନ୍ଦ୍ର ସାଜିଥିଲା। ରୁଷ୍ ମଧ୍ୟ ନିଜର ଏୟାର ଓ ସି ବେସ୍କୁ ଜାରି ରଖିବାକୁ ଚାହିଁଛି , କିନ୍ତୁ ଯେବେ ଅସଦଙ୍କୁ ଦେଶରୁ ପଳାୟନ ହେବାକୁ ପଡ଼ିଲା , ତ ରୁଷ୍ ତାଙ୍କୁ ଶରଣ ଦେଇଛି।
