କଟକ, ୨୪।୧୦ :  ଅତ୍ୟାବଶ୍ୟକ ସାମଗ୍ରୀର ସ୍ଥିତି ଯାଞ୍ଚ କରିବା ଉଦ୍ଦେଶ୍ୟରେ  ଯୋଗାଣ ମନ୍ତ୍ରୀ କଟକ ମାଲଗୋଦାମରେ  ଗୁରୁବାର ପହଞ୍ଚିଥିଲେ। ବିଭିନ୍ନ ଗୋଦାମ ଗୃହର ସ୍ଥିତି ଯାଞ୍ଚ କରିଥିଲେ। ଡାଲି ଏବଂ ଚୁଡା ଗୋଦାମରେ ଯୋଗାଣମନ୍ତ୍ରୀ  କୃଷ୍ଣଚନ୍ଦ୍ର ପାତ୍ର ଯାଞ୍ଚ କରିଛନ୍ତି। 

ରାଜ୍ୟରେ ଅତ୍ୟାବଶ୍ୟକ ସାମଗ୍ରୀ ମହଜୁଦ ରହିଛି ଏବଂ ସମସ୍ତ ପ୍ରକାରର ଅପାତକାଳୀନ ସ୍ଥିତିକୁ ସାମ୍ନା କରିବା ଲାଗି ସରକାର ପ୍ରସ୍ତୁତ ଅଛନ୍ତି । ତେବେ କୌଣସି ପରିସ୍ଥିତିରେ କଳାବଜାରୀକୁ ପ୍ରଶ୍ରୟ ଦିଆଯିବ ନାହିଁ । ଏପରି ହେଲେ କଠୋର କାର୍ଯ୍ୟାନୁଷ୍ଠାନ ନିଆଯିବ । ଆଗାମୀ ୨ ସପ୍ତାହ ପର୍ଯ୍ୟନ୍ତ ରାଜ୍ୟରେ ଖାଦ୍ୟ ଶସ୍ୟ ମହଜୁଦ ରହିଛି ବୋଲି ଯୋଗାଣମନ୍ତ୍ରୀ କହିଛନ୍ତି । ଆବଶ୍ୟକ ମୁତାବକ ଖାଦ୍ୟ ଶସ୍ୟ କଟକ ମାଲଗୋଦାମରେ ମହଜୁଦ ହୋଇ ରହିଛି। ଏବଂ ସରକାର ଚାହିଁଲେ ମାଲଗୋଦାମ ବ୍ୟବସାୟୀ ମାନେ ସବୁ ପ୍ରକାରର ସହଯୋଗ କରିବେ ବ୍ୟବସାୟୀ ସଂଘ କହିଛି। 

 ଅନ୍ୟପକ୍ଷରେ ମନ୍ତ୍ରୀଙ୍କ ଗସ୍ତ ପରେ ୫ ଗୋଦାମ ମାଲିକଙ୍କୁ  ଜିଲ୍ଲା ଯୋଗାଣ ବିଭାଗ ନୋଟିସ ଜାରି କରିଛି। ଖାଉଟି ଦ୍ରବ୍ୟର ନିର୍ଦ୍ଧାରିତ ମୂଲ୍ୟ  ଗୋଦାମ ମାଲିକ ଉଲ୍ଲେଖ ହୋଇ ନଥିବା ଅଭିଯୋଗ ହୋଇଥିଲା ।