ବାଙ୍କୀ,୨୪/୧୦: ପୂର୍ବ ଶତ୍ରୁତାକୁ କେନ୍ଦ୍ର କରି ବୋମାମାଡ଼ । ବିଳମ୍ବିତ ରାତିରେ ବାଙ୍କୀ ଥାନା ଅନ୍ତର୍ଗତ ଗୟଳବାଙ୍କ ଗାଁର କୈବର୍ତ୍ତ ସାହିର ସୁକାନ୍ତ ସୁତାରଙ୍କ ଘରକୁ ବୋମା ମାଡ଼ କଲେ ଦୁର୍ବୁତ୍ତ । ଏହି ଘଟଣାରେ ୨ ଜଣ ଗିରଫ ହୋଇଥିବା ବେଳେ ୪ ଜଣ ଦୁର୍ବୃତ୍ତ ଫେରାର ହୋଇଛନ୍ତି । କଟକ ଜିଲ୍ଲା ବାଙ୍କୀ ଥାନା ଅନ୍ତର୍ଗତ ଗୟଳବାଙ୍କ ଗାଁର କୈବର୍ତ୍ତ ସାହିରେ ଏଭଳି ଘଟଣା ଘଟିଛି ।
ସୂଚନାନୁଯାୟୀ, ବ୍ରାହ୍ମଣୀ ଗାଁ ଓ ଗୟଳବାଙ୍କ ଅଞ୍ଚଳର କିଛି ଯୁବକ ନିଶା ଖାଇ ଗତ ୧୬ ତାରିଖରେ ଦେବୀ ଦ୍ୱାରଠାରେ ଉତ୍ପାତ ହୋଇଥିଲେ । ଏହାକୁ ଗୟଳବାଙ୍କ ଗ୍ରାମବାସୀ ବାରଣ କରି ପୋଲିସକୁ ଖବର ଦେଇଥିଲେ । ପରେ ସେମାନଙ୍କୁ ପୋଲିସ ଜିମା ଦେଇଥିଲେ । ପରେ ସର୍ତ୍ତ ମୂଳକ ଭାବେ ପୋଲିସ ସେମାନଙ୍କୁ ଛଡିଥିଲା । କିନ୍ତୁ ଦୁର୍ବୃତ୍ତମାନେ ଚୁପ ହୋଇ ରହି ନଥିଲେ । ପରେ ଅକ୍ଟୋବର ୨୨ ତାରିଖରେ ବାଆଁରାର କୃପାଳୁ ଜୀ ଆଶ୍ରମରୁ ଫେରିବା ବାଟରେ ସରପଞ୍ଚ ସୁଶାନ୍ତ ସୁତାରଙ୍କ ଭାଇ ସୁକାନ୍ତ ସୁତାରକୁ ପଛ ପଟୁ ଆସି ଦୁର୍ବୃତ୍ତମାନେ ଆକ୍ରମଣ କରି ଫେରାର ହୋଇଯାଇଥିଲେ । ଏଥିରେ ସୁକାନ୍ତଙ୍କ ହାତରେ ଗଭୀର ଆଘାତ ଲାଗିଥିଲା । ଏହା ଦେଖି ତୁରନ୍ତ ସୁକାନ୍ତଙ୍କ ଭାଇ ସୁଶାନ୍ତ ତାଙ୍କୁ ଡାକ୍ତରଖାନାକୁ ଚିକିତ୍ସା ପାଇଁ ନେଇଥିଲେ । ମେଡିକାଲରେ ଚିକିତ୍ସା ପରେ ସୁକାନ୍ତ ନିଜ ଘର ଗୟଳବାଙ୍କରେ ଥିବା ବେଳେ ପୁଣି ଥରେ ୨୩ ତାରିଖ ବିଳମ୍ବିତ ରାତିରେ ତାଙ୍କ ଘରକୁ ୨ଟି ବୋମା ମାଡ଼ କରିଥିଲେ ଦୁର୍ବୁତ୍ତ ।
ଏନେଇ ତୁରନ୍ତ ପୋଲିସକୁ ଖବର ଦେଇଥିଲେ ସୁକାନ୍ତ । ଖବର ପାଇ ଘଟଣାସ୍ଥଳରେ ବାଙ୍କୀ ପୋଲିସ ପହଞ୍ଚି ଏହି ଘଟଣାରେ ସମ୍ପୃକ୍ତ ଥିବା ୨ ଜଣଙ୍କୁ ଗିରଫ କରିଛି ପୋଲିସ । ତେବେ ଏଥିରେ ଆଉ ୪ ଜଣ ଅଭିଯୁକ୍ତ ଫେରାର ହୋଇଯାଇଛନ୍ତି । ଅନ୍ୟପଟେ ନିଜର ଓ ପରିବାର ର ସୁରକ୍ଷା ସହିତ ତୁରନ୍ତ ସମ୍ପୃକ୍ତ ଯୁବକ ମାନଙ୍କୁ କରାଯାଉ ଗିରଫ କରାଯାଉ ବୋଲି କହିଛନ୍ତି ସୁକାନ୍ତ ।