କଟକ, ୨୨/୧୦ : ସମ୍ଭାବ୍ୟ ବାତ୍ୟାକୁ ନେଇ ମାତିଛନ୍ତି ଅସାଧୁ ବ୍ୟବସାୟୀ। ବଢିଛି କଳାବଜାରୀ। ବାତ୍ୟା ଦାନାକୁ ନେଇ ବର୍ତ୍ତମାନ ବଜାରରେ ଅତ୍ୟାବଶ୍ୟକୀୟ ସାମଗ୍ରୀର ଦରଦାମ୍ରେ ନିଆଁ ଲାଗିଛି। ବିଶେଷ କରି ଆଳୁ ଓ ପିଆଜ କିଲୋ ପିଛା ଦର ଅହେତୁକ ବୃଦ୍ଧି ପାଉଛି। ଆଳୁ ଦର ନିୟନ୍ତ୍ରଣ ବାହାରେ। ଦୁଇ ଦିନ ତଳେ ଆଳୁ ତିନି କିଲୋକୁ ଶହେ ଟଙ୍କାରେ ବିକ୍ରି ହେଉଥିବା ବେଳେ ଆଜି ତିନି କିଲୋକୁ ୧୪୦ରୁ ୧୫୦ଟଙ୍କାରେ ବିକ୍ରି ହେଉଛି।
କଳାବଜାରୀ ବଢ଼ୁଥିବା ଯୋଗୁଁ ଆଜି କଟକ ଛତ୍ରବଜାର ଓ ଅର୍ବାନ ହାଟରେ ଥିବା ବିଭିନ୍ନ ଗୋଦାମ ଓ ରିଟେଲ ପଏଣ୍ଟମାନଙ୍କରେ ଯୋଗାଣ ଅଧିକାରୀଙ୍କ ନେତୃତ୍ୱରେ ଏକ ଟିମ୍ ରେଡ୍ କରିଛି। କୌଣସି କ୍ଷେତ୍ରରେ କଳା ବଜାରୀକୁ ବରଦାସ୍ତ କରାଯିବ ନାହିଁ। କାର୍ଯ୍ୟାନୁଷ୍ଠାନ ହେବ। ଏହାସହ ପର୍ଯ୍ୟାପ୍ତ ପରିମାଣର ଆଳୁ କଟକକୁ ଆସୁଥିବା କଥା କହିଛନ୍ତି ଯୋଗାଣ ଅଧିକାରୀ।