ବିଶାଖାପାଟନମ୍: ଇଣ୍ଡିଆନ୍ ପ୍ରିମିୟର ଲିଗ୍ ୨୦୨୫ର ୧୦ମ ମ୍ୟାଚ୍ ଦିଲ୍ଲୀ କ୍ୟାପିଟାଲ୍ସ ଏବଂ ସନରାଇଜର୍ସ ହାଇଦ୍ରାବାଦ ମଧ୍ୟରେ ବିଶାଖାପାଟନମରେ ଖେଳାଯାଉଛି। ଏହି ମ୍ୟାଚ୍ରେ ଟସ୍ ଜିତିବା ପରେ, ସନରାଇଜର୍ସ ହାଇଦ୍ରାବାଦ ଦଳ ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା । ଏସଆରଏଚ୍ ୧୮.୪ ଓଭରରେ ମାତ୍ର ୧୬୩ ରନ୍ରେ ସୀମିତ ରହିଛି ।
SRH ପକ୍ଷରୁ ଅନିକେତ ବର୍ମା ୭୪ ରନ କରିଥିବା ବେଳେ ହେନରିଚ୍ କ୍ଲାସେନ୍ ୩୨ ରନ କରିଛନ୍ତି । ଦିଲ୍ଲୀ କ୍ୟାପିଟାଲ୍ସ ପକ୍ଷରୁ ମିଚେଲ ଷ୍ଟାର୍କ ୫ଟି ୱିକେଟ୍ ନେଇଥିବା ବେଳେ କୁଲଦୀପ ଯାଦବ ୩ଟି ୱିକେଟ୍ ନେଇଛନ୍ତି । ଅକ୍ଷର ପଟେଲଙ୍କ ଅଧିନାୟକତ୍ୱରେ ଦିଲ୍ଲୀ କ୍ୟାପିଟାଲ୍ସ ଏକ ଦମଦାର ବିଜୟ ସହିତ ଆଇପିଏଲ ଅଭିଯାନ ଆରମ୍ଭ କରିଥିଲା । ପ୍ରଥମ ମ୍ୟାଚ୍ରେ ଲକ୍ଷ୍ନୌ ସୁପରଜାଏଣ୍ଟସକୁ ଗୋଟିଏ ୱିକେଟରେ ପରାସ୍ତ କରିଥିଲା ଡିସି ।
ସେପେଟ ସନରାଇଜର୍ସ ହାଇଦ୍ରାବାଦ ଏହି ସିଜିନରେ ଏପର୍ଯ୍ୟନ୍ତ ୨ଟି ମ୍ୟାଚ୍ ଖେଳିଛି । ଗୋଟିଏ ଜିତିଥିବା ବେଳେ ଗୋଟିଏରେ ପରାଜୟର ସମ୍ମୁଖୀନ ହୋଇଥିଲା ଏସଆରଏଚ । ଆଜି ମଧ୍ୟ ଦଳ ବଡ଼ ସ୍କୋର କରିବାରେ ବିଫଳ ହୋଇଛି ।
ସନରାଇଜର୍ସ ହାଇଦ୍ରାବାଦ ଦଳ ୧୮.୪ ଓଭରରେ ୧୬୩ ରନ କରି ଅଲଆଉଟ ହୋଇଯାଇଛି । ହାଇଦ୍ରାବାଦ ପକ୍ଷରୁ ଅନିକେତ ବର୍ମା ସର୍ବାଧିକ ୭୪ ରନ କରିଛନ୍ତି । ୪୧ ବଲର ତାଙ୍କ ଇନିଂସରେ ଅନିକେତ ୫ ଚୌକା ଏବଂ ୬ ଛକା ମାରିଛନ୍ତି । ଅଭିଷେକ ଶର୍ମା ୦୧, ଟ୍ରାଭିସ୍ ହେଡ୍ ୨୨, ଇଶାନ କିଶାନ ୦୨, ନୀତିଶ କୁମାର ରେଡ୍ଡୀ ୦୦ ଏବଂ ହେନରିଚ୍ କ୍ଲାସେନ୍ ୩୨ ରନ୍ କରି ଆଉଟ୍ ହୋଇଥିଲେ। ଦିଲ୍ଲୀ ପକ୍ଷରୁ ମିଚେଲ ଷ୍ଟାର୍କ ୩୫ ରନ ଦେଇ ୫ଟି ୱିକେଟ ନେଇଥିଲେ।
