ଫିରିଙ୍ଗିଆ,୨୮/୦୧  : କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ପକାରୀ ଠାରେ ମା’ ରୁଦ୍ରକାଳୀଙ୍କ କାମନା ମନ୍ଦିର  ପ୍ରତିଷ୍ଠା ଉତ୍ସବ ସମାରୋହ ପାଇଁ ଶୁଭଖୁଣ୍ଟ ସ୍ଥାପନ ଉତ୍ସବ ଅନୁଷ୍ଠିତ ହୋଇଯାଇଛି I ପୁରୋହିତ ଦଶମୂଳ ମିଶ୍ର ଓ ହେମନ୍ତ ପଣ୍ଡାଙ୍କ ଦ୍ୱାରା ପୂଜା କାର୍ଯ୍ୟ କରାଯାଇଥିଲା I ଗାଁର ବଳିନ୍ଦ୍ର କହଁର ଓ ତାଙ୍କ ଧର୍ମ ପତ୍ନୀ ମନ୍ଦାର ମଳିକ କର୍ତ୍ତା ଭାବୋ ଦାୟିତ୍ବ ତୁଲାଇଥିଲେ।  ପୂଜା କାର୍ଯ୍ୟ ଆରମ୍ଭରୁ ପାଖ ଜଙ୍ଗଲ ରୁ ପାରମ୍ପରିକ ବାଜା ବାଦ୍ୟ ସହ ପୂଜା ଅର୍ଚ୍ଚନା କରାଯାଇ ଏକ ଶାଳ ଖୁଣ୍ଟ ମନ୍ଦିର ପ୍ରାଙ୍ଗନକୁ ଅଣାଯାଇ ରୀତିନୀତି ଅନୁସାରେ ସ୍ଥାପନ କରାଯାଇଥିଲା I

ମନ୍ଦିର ପରିଚାଳନା କମିଟିର ସଭାପତି ଡୁଣ୍ଡେରା ମଳିକ ଓ ଉପଦେଷ୍ଟା ତଥା ପୂର୍ବତନ ଫୁଲବାଣୀ ବିଧାୟକ ଅଙ୍ଗଦ କହଁରଙ୍କ ପ୍ରତ୍ୟକ୍ଷ ତତ୍ତ୍ବାବଧାନରେ ଏହି କାର୍ଯ୍ୟକ୍ରମ ଆୟୋଜିତ ହୋଇଥିଲା।  ଅନ୍ୟମାନଙ୍କ ମଧ୍ୟ୍ୟରେ କମିଟିର ସମ୍ପାଦକ ବିଶ୍ଵନାଥ ସାହୁ, ଉପସଭାପତି ବୃଷଭ ମଳିକ, ସ୍ଥାନୀୟ ବିଜେପି ନେତା ବାବୁଲା କହଁରଙ୍କ ସହ କମିଟିର ସମସ୍ତ କର୍ମକର୍ତ୍ତା ଓ ସଭ୍ୟ ସଭ୍ୟା ଉପସ୍ଥିତ ଥିଲେ। ପଞ୍ଚାୟତ ଅଧୀନରେ ଥିବା ବାଞ୍ଜିପଡିଆ, ବୃଡିପଡା, ସରୁପଡା, ସକାଡିପଡା, ଇର୍ପି ସରୁ, ଡେଡା ସରୁ ଭଳି ପାଞ୍ଚଟି ମୌଜାର ଶତାଧିକ ମହିଳା ପୁରୁଷ ଏଥିରେ ଯୋଗ ଦେଇଥିଲେ। ତେବେ ଆସନ୍ତା ମାର୍ଚ୍ଚ ତିନି ତାରିଖ ଠାରୁ ଛଅ ତାରିଖ ପର୍ଯ୍ୟନ୍ତ ଏହି ମନ୍ଦିରର ପ୍ରତିଷ୍ଠା ଉତ୍ସବ ଅନୁଷ୍ଠିତ ହେବ ।  ପ୍ରତିଷ୍ଠା ପାଇଁ ପ୍ରସ୍ତୁତି ଜୋରସୋର ରେ ଚାଲିଥିବା  ପ୍ରତିଷ୍ଠା କମିଟିର ସଦସ୍ୟମାନେ କହିଛନ୍ତିI