ଦାରିଙ୍ଗବାଡି,୨୮/୧(ଆପ୍ର): ସିର୍କାବର୍ଗ ସରକାରୀ ଉଚ୍ଚ   ବିଦ୍ୟାଳୟରେ ସିର୍କାବର୍ଗ କ୍ଳଷ୍ଟର ପକ୍ଷରୁ ନିପୁଣ ଓଡ଼ିଶାର ସ୍ୱତନ୍ତ୍ର ଶିକ୍ଷଣ ସାମଗ୍ରୀ ମେଳା  କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟ ଅତିଥି ଭାବେ ସିର୍କାବର୍ଗ ସରପଞ୍ଚ ଚିରଞ୍ଜିବୀ ପ୍ରଧାନ ଯୋଗ ଦେଇଥିବା ବେଳେ ଅତିଥି ଭାବେ ସିର୍କାବର୍ଗ ହାଇସ୍କୁଲର ପ୍ରଧାନ ଶିକ୍ଷକ ଲକ୍ଷ୍ମୀଧର ସିଂ,ସ୍କୁଲ ସଭାପତି ମନୋଜ ପ୍ରଧାନ,ନାଏବ ସରପଞ୍ଚ ମାନିନୀ ପ୍ରଧାନ, ୱାର୍ଡ ମେମ୍ବର ଟପୁଲା ପାଟମାଝୀ ପ୍ରମୁଖ ଯୋଗ ଦେଇଥିଲେ । 

 ଶିକ୍ଷକ ମାନେ ଛାତ୍ରଛାତ୍ରୀ ଙ୍କୁ ନେଇ ଟିଏଲ୍ଏମ ପ୍ରଦର୍ଶନ କରିଥିଲେ।  ମୌଳିକ ସାକ୍ଷରତା ଓ ସଂଖ୍ୟା ଜ୍ଞାନ ଉପରେ ମେଳା ଅନୁଷ୍ଠିତ ହୋଇଥିଲା। ଅଭିଭାବକ ମାନେ ବୁଲି ଶିକ୍ଷଣ ସାମଗ୍ରୀ ମେଳା ପରିଦର୍ଶନ କରିଥିଲେ । ଶେଷରେ ଛାତ୍ରଛାତ୍ରୀ ମାନଙ୍କୁ ଅତିଥି ମାନଙ୍କ ଦ୍ଵାରା ଖାତା ବଣ୍ଟନ କରାଯାଇଥିଲା ବେଳେ ଏଫଏଲ୍ଏନ ଶିକ୍ଷକ ମାନଙ୍କୁ ପ୍ରଶଂସା ପତ୍ର ବଣ୍ଟନ କରାଯାଇଥିଲା । ସିଆରସିସି ମନୋଜ ବେହେରା କାର୍ଯ୍ୟକ୍ରମ କୁ ପରିଚାଳନା କରିଥିବା ବେଳେ ଶିକ୍ଷକ ବନ୍ଧୁରାଜ ଉଠାନ ସିଂ ଧନ୍ୟବାଦ୍ ଜଣାଇ ଥିଲେ ।