ଫିରିଙ୍ଗିଆ, ୨୮।୧ : ଗୋଛାପଡା ବ୍ଲକ ଗଠନ ଦାବି ଜୋର ଧରିଲା। ଏକାଠି ହେଲେ ୯ ପଞ୍ଚାୟତ ବାସୀ। ନୂତନ ବ୍ଲକ ଗଠନ ଦାବିରେ ଫିରିଙ୍ଗିଆ ବ୍ଲକ ଅନ୍ତର୍ଗତ ଗୋଛାପଡା ଠାରେ ବୈଠକ ଅନୁଷ୍ଠିତ ହୋଇଛି। ପୂର୍ବତନ ବିଧାୟକ ଅଙ୍ଗଦ କହଁରଙ୍କ ଅଧ୍ୟକ୍ଷତାରେ ଏକ ବୈଠକ ଆାୟୋଜିତ ହୋଇଥିଲା। ଏଥିରେ ଗୋଛାପଡା, ସଲାଗୁଡା, ପଲାବ୍ରୁଡି, କ୍ରାଣ୍ଡିବାଲି, ପକାରୀ, ବାଲନ୍ଧାପଡା, ଲୁଇସିଙ୍ଗି, ପାଇରାଜୁ, କୁଏରିମାଣ୍ଡୁ ପଞ୍ଚାୟତ ବାସୀ ଯୋଗ ଦେଇଛନ୍ତି।
ଏଥିରେ ଆଞ୍ଚଳିକ ବିକାଶ ପରିଷଦ ଗଠନ କରାଯାଇ କର୍ମକର୍ତ୍ତା ଚୟନ କରାଯାଇଥିଲା। ସଭାପତି ଭାବେ ରୋହିତ କହଁର, ଉପ ସଭାପତି ବିଶ୍ବରଂଜନ କହଁର, ସଂପାଦକ ଜମ୍ବେଶ୍ଵର କହଁର,ଓ ସହ ସଂପାଦକ ଅର୍ଜୁନ କହଁର ଏବଂ ଯୁଗ୍ମ ସଭାପତି ଭାବେ ଲକ୍ଷ୍ମୀ କହଁର,କେଶବ କହଁର, ପ୍ରଦୀପ ନାୟକ, ମନୋନୀତ ହୋଇଛନ୍ତି। ଯୁଗ୍ମ ସଂପାଦକ ଗୋବିନ୍ଦ ମଲିକ, ତମ ଯୁଗାନ୍ତ କହଁର,ଧନପତି ଦିଗାଲ ଏବଂ କୋଷାଧ୍ୟକ୍ଷ ଭାବେ ଲୀଳାବତୀ କହଁରଙ୍କୁ ମନୋନୀତ କରାଯାଇଛି। ଆଗାମୀ ୩୦ତାରିଖ ଦିନ ପୂନର୍ବାର ବୈଠକ ବସିବାକୁ ନିଷ୍ପତ୍ତି ନିଆଯାଇଛି। ବ୍ଲକ ଗଠନ ପାଇଁ ରାଜ୍ୟପାଳଙ୍କ ନିକଟକୁ ଦାବିପତ୍ର ଜିଲ୍ଲାପାଳଙ୍କ ନିକଟରେ ଦିଆଯିବାକୁ ନିଷ୍ପତ୍ତି ନିଆଯାଇଛି।
