ବରଗଡ଼,୧୭।୩ : ଭଟଲି ବ୍ଲକ କେଲେଣ୍ଡାପାଲି ପଞ୍ଚାୟତ ଅନ୍ତର୍ଗତ କେନ୍ଦୁଗୁଡିଆ ଗ୍ରାମର ଏକ ଜଙ୍ଗଲରୁ ଜଣେ ନାବାଳକଙ୍କ ମୃତଦେହ ଉଦ୍ଧାର କରାଯାଇଛି। ମୃତ ନାବାଳକ ଜଣକ ହେଉଛନ୍ତି କେନ୍ଦୁଗୁଡିଆ ଗ୍ରାମର ନବମ ଶ୍ରେଣୀ ଛାତ୍ର ସମୀର ପ୍ରଧାନ ।
ରବିବାର ସମୀର ନିଖୋଜ ଥିବା ନେଇ ବାପା ଦିବ୍ୟ ଲୋଚନ ପ୍ରଧାନ ଭଟଲି ଥାନାରେ ଅଭିଯୋଗ କରିଥିଲେ । ତେବେ ସୋମବାର ସକାଳେ ସମୀରଙ୍କ ମୃତଦେହ ଏକ ଜଙ୍ଗଲ ମଧ୍ୟରେ ପଡିଥିବା ଲୋକମାନେ ଦେଖିବାକୁ ପାଇଥିଲେ। ଘଟଣାସ୍ଥଳରେ ସାଇକେଲ ଓ ଚପଲ ପଡ଼ିରହିଥିଲା। ଖବର ପାଇ ପୋଲିସ ପହଞ୍ଚି ଘଟଣାର ତଦନ୍ତ କରିଥିଲା। ପଥରରେ ଛେଚି ହତ୍ୟା କରାଯାଇଥିବା ନେଇ ପୋଲିସ ପ୍ରାଥମିକ ତଦନ୍ତରୁ ଜଣା ପଡ଼ିଛି । ତେବେ କାହିଁକି ଓ କିଏ ହତ୍ୟା କରିଛି ଏଯାଏଁ କାରଣ ଅସ୍ପଷ୍ଟ ରହିଛି | ଘଟଣା ସ୍ଥଳରେ ସାଇଣ୍ଟିଫିକ୍ ଟିମ ଓ ସନ୍ଧାନୀ କୁକୁର ପହଞ୍ଚି ତଦନ୍ତ କରୁଛି। ପରିବାର ଓ ଗାଁ ଲୋକଙ୍କୁ ପଚ଼ରାଉଚ଼ରା କରି ଭଟଲି ପୋଲିସ ତଦନ୍ତ କରୁଛି ।
