ଆନନ୍ଦପୁର,୦୬/୦୧: ଫକିରପୁର ଠାରେ ଥିବା ଜୟଦୁର୍ଗା ସରକାରୀ ପ୍ରାଥମିକ ବିଦ୍ୟାଳୟ ଗେଟ୍କୁ ତାଲା ପକାଇ ଧାରଣାରେ ବସିଛନ୍ତି ଛାତ୍ରଛାତ୍ରୀ । ବାରମ୍ୱାର ଅଭିଯୋଗ ପରେ ମଧ୍ୟ କୌଣସି ପଦକ୍ଷେପ ନ ନେବାରୁ ଧାରଣା ଦେଇଛନ୍ତି । କେନ୍ଦୁଝର ଜିଲ୍ଲା ଆନନ୍ଦପୁର ଉପଖଣ୍ଡରେ ଏବଳି ଘଟଣା ଘଟିଛି ।
ସୂଚନା ମୁତାବକ, ସ୍କୁଲ ପରିସରରେ ଥିବା ଏକ ପୁରୁଣା ଶ୍ରେଣୀ ଗୃହକୁ ପୂନର୍ବାର ଛାତ ପକାଇ ମରାମତି କରାଯାଉଛି । ହେଲେ ଗୃହରେ ପୂର୍ବରୁ କୌଣସି ପିଲର ନଥିବା ବେଳେ ଛାତ ପକାଇବା ଫଳରେ ଦୁର୍ବଳ କାନ୍ଥ ଗୁଡ଼ିକ ଛାତର ଭାର ସମ୍ଭାଳି ଆହୁରି ଦୁର୍ବଳ ହୋଇଛି । ସମୟ ସମୟରେ କାନ୍ଥରୁ ଓ ଛାତରୁ ସିମେଣ୍ଟ ଖଣ୍ଡ ମାନ ଖସୁଛି । ଯାହାକି ପିଲାମାନଙ୍କ ପାଇଁ ବିପଦ ସୃଷ୍ଟି କରିଛି । ତେବେ ଏ ସମ୍ପର୍କରେ ବିଭାଗୀୟ ଅଧିକାରୀଙ୍କୁ ବାରମ୍ଵାର ଅଭିଯୋଗ କଲେ ମଧ୍ୟ କେହି ନଶୁଣିବାରୁ ବିଦ୍ୟାଳୟ ଗେଟ୍କୁ ତାଲା ପକାଇ ଧାରଣାରେ ବସିଛନ୍ତି ଛାତ୍ରଛାତ୍ରୀ ।
