ପାଟଣା,୦୫/୦୧: ହୀରାପଶି ଗ୍ରାମରେ ବେଆଇନ ଦେଶୀ ମଦ ତିଆରି ଭାଟିରେ ତୁରୁମୁଙ୍ଗା ପୋଲିସର ଚଢ଼ାଉ । ଲକ୍ଷାଧିକ ଟଙ୍କାର ମହୁଲି ମଦ ସହ ପୋଚ ନଷ୍ଟ । ପୋଲିସର ଚଢ଼ାଉ ଦେଖି ଛତ୍ରଭଙ୍ଗ ଦେଲେ ମାଫିଆ । କେନ୍ଦୁଝର ଜିଲ୍ଲା ପାଟଣା ଅଞ୍ଚଳରେ ଏଭଳି ଘଟଣା ଘଟିଥିବାର ଖବର ସାମ୍ନାକୁ ଆସିଛି ।
ସୂଚନା ମୁତାବକ, ହୀରାପଶି ଗ୍ରାମରେ ବେଆଇନ ଦେଶୀ ମଦ ତିଆରି ହେଉଥିବା ନେଇ ପୋଲିସ ଏକ ବିଶେଷ ସୂତ୍ରରୁ ଖବର ପାଇଥିଲା । ଖବର ପାଇ ଦେଶୀ ମଦ ତିଆରି ଭାଟି ରେ ତୁରୁମୁଙ୍ଗା ପୋଲିସ ଚଢାଉ କରିଥିଲା । ଏହା ଦେଖି ମାଫିଆ ମାନେ ଛତ୍ରଭଙ୍ଗ ଦେଇଥିଲେ । ଏହି ଚଢାଉରେ ଲକ୍ଷାଧିକ ଟଙ୍କାର ମଦ ସହ ପୋଚ ନଷ୍ଟ ନଷ୍ଟ କରାଯାଇଛି । ମାଫିଆଙ୍କ ଘର ପାଖରୁ ଏକ ବୋଲେରୋରୁ ବିପୁଳ ପରିମାଣ ମହୁଲି ମଦ ମଧ୍ୟ ଜବତ କରାଯାଇଛି । ଉକ୍ତ ଗାଡ଼ିକୁ କ୍ରେନ୍ ସାହାଯ୍ୟରେ ଉଠାଇ ଆଣିଲା ପୋଲିସ । ଗାଁରେ ଏକ ପ୍ଲାଟୁନ ପୋଲିସ ଫୋର୍ସ ଦ୍ୱାରା ଚଢ଼ାଉ ଜାରି ରହିଥିବା ବେଳେ ମାଟି ତଳୁ ବସ୍ତା ବସ୍ତା ମହୁଲି ପୋଚ ମଧ୍ୟ ଜବତ କରାଯାଇଛି ।
