ରାଉରକେଲା, ୧୮।୫ : ଛେଣ୍ଡ ଥାନା ଅନ୍ତର୍ଗତ କୋଏଲ ନଦୀର ପ୍ରଧାନପାଲି ଘାଟରେ ସେଲ୍ଡି ନେବା ହେଲା କାଳ। ନଦୀରେ ବୁଡ଼ି ଯାଇ ଜଣେ ଆଇଟିଆଇ ଛାତ୍ରଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ୩ ଛାତ୍ର ଉଦ୍ଧାର ହୋଇଛନ୍ତି। ମୃତ ଛାତ୍ର ଜଣକ ହେଲେ ସୁନ୍ଦରଗଡ ସଦରର ସ୍ବାଧୀନ ଓରାମ ।
ମିଳିଥିବା ସୂଚନା ଅନୁସାରେ ସେକ୍ଟର ୬ ଠାରେ ଥିବା ଏକ ଘରୋଇ ଆଇଟିଆଇ ହଷ୍ଟେଲରେ ରହି ଛାତ୍ରମାନେ ଆଇଟିଆଇ ପାଠ ପଢୁଛନ୍ତି। ରବିବାର ଅପରାହ୍ନରେ ୪ ଜଣ ଛାତ୍ର ପ୍ରଧାନପାଲିର କୋଏଲ ନଦୀରେ ଥିବା ଏକ ସେତୁ ଉପରେ ଛିଡ଼ା ହୋଇ ସେଲଫି ନେଉଥଲେ। ଅସାବଧାନତା ଯୋଗୁ ୪ ଜଣ ଛାତ୍ର ନଦୀକୁ ଖସି ପଡ଼ି ଥିଲେ। ନଦୀରେ ମାଛ ଧରୁଥିବା ମାଛ ଧରାଳି ୩ ଜଣ ଛାତ୍ରଙ୍କୁ ଉଦ୍ଧାର କରିଥିବା ବେଳେ ସ୍ବାଧୀନ ଓରାମ ନିଖୋଜ ହୋଇ ଯାଇଥିଲେ। ଖବର ପାଇ ଦମକଳ ବାହିନୀ ପହଞ୍ଚି ନଦୀର ଗଭୀର ପାଣିରୁ ସ୍ବାଧୀନଙ୍କ ମୃତଦେହ ଉଦ୍ଧାର କରିଥିଲା।
