କାର୍ଟିସୋଲ୍ ହର୍ମୋନ୍କୁ ଷ୍ଟ୍ରେସ୍ ହର୍ମୋନ୍ ମଧ୍ୟ କୁହାଯାଏ । ଯଦି ଆପଣଙ୍କଠାରେ ନିମ୍ନ ଲକ୍ଷଣ ଦେଖାଯାଉଥାଏ, ତେବେ ଶରୀରରେ ସବୁବେଳେ କାର୍ଟିସୋଲ୍ ହର୍ମୋନ୍ ବଢି ରହୁଛି ବୋଲି ବୁଝିବା ଆବଶ୍ୟକ । ସୁସ୍ଥ ରହିବା ପାଇଁ ଶରୀରରେ ଥିବା ସବୁ ହର୍ମୋନ୍ ନିୟନ୍ତ୍ରଣରେ ରହିବା ଆବଶ୍ୟକ । କାରଣ ହର୍ମୋନ୍ ଶରୀରର ସବୁ କୋଷିକାଗୁଡିକୁ ନିୟନ୍ତ୍ରିତ କରିଥାନ୍ତି । ତା’ ସହିତ ଶରୀରରେ ମେଟାବଲିଜିମ୍ର ବିକାଶ ଓ ଅନ୍ୟାନ୍ୟ କାର୍ଯ୍ୟକୁ ନିୟନ୍ତ୍ରିତ କରିଥାଏ । ଏହି ହର୍ମୋନ୍ କେତେକ ପ୍ରକାରର ହୋଇଥାନ୍ତି, ଯେପରିକି ଥାଇରୋକ୍ସିନ୍, ଟୋଷ୍ଟୋଷ୍ଟ୍ରେରନ୍, କାର୍ଟିସୋଲ୍, ଏଷ୍ଟ୍ରୋଜେନ୍ ଓ ପ୍ରୋଜେଷ୍ଟ୍ରୋରନ୍ ଆଦି । ଏମାନଙ୍କର କାମ ମଧ୍ୟ ଭିନ୍ନ ଭିନ୍ନ ହୋଇଥାଏ । ଏମାନଙ୍କୁ ଭିତରୁ କାର୍ଟିସୋଲ୍ ହର୍ମୋନ୍ର ଭୂମିକା ଖୁବ୍ ଗୁରୁତ୍ୱପୂର୍ଣ୍ଣ ।
ଯଦି ଏହି ହର୍ମୋନ୍ ଅସନ୍ତୁଳିତ ରହେ, ତେବେ ଅନେକ ସମସ୍ୟାକୁ ସାମ୍ନା କରିବାକୁ ପଡିଥାଏ । କିଛି ଲୋକଙ୍କର ଧାରଣା ଯେ କାର୍ଟିସୋଲ୍ ହର୍ମୋନ୍ ଅଧିକ ରହିବା ଦ୍ୱାରା ରାଗିବା ଓ ଚିଡ୍ଚିଡାପଣ ଆସିଥାଏ । କିନ୍ତୁ ବାସ୍ତବରେ ଏହାଠାରୁ ଅଧିକ ଲକ୍ଷଣ ଦେଖିବାକୁ ମିଳିଥାଏ, ଯାହାକୁ ଆମେ ଚିହ୍ନିପାରି ନଥାଉ । ଚାଲନ୍ତୁ ଜାଣିବା ଏମିତି କେତେକ ଲକ୍ଷଣ ଯାହା ବିଷୟରେ ଆମେ ପ୍ରାୟତଃ ଜାଣି ନଥାଉ ।
ପ୍ରଥମତଃ, କାର୍ଟିସୋଲ୍ ହର୍ମୋନ୍ ସ୍ତର ଅଧିକ ରହିବା ଦ୍ୱାରା ବ୍ୟକ୍ତିକୁ ବାରମ୍ବାର କିଛି କିଛି ଖାଇବାକୁ ଇଚ୍ଛା ହୋଇଥାଏ । ଏପରିକି ଯେତେ ଖାଇଲେ ମଧ୍ୟ ଆବଶ୍ୟକତା ପୂରଣ ହୋଇ ନଥାଏ । ଯଦି ଆପଣଙ୍କ ସହ ଏପରି ହେଉଥାଏ, ତେବେ ଚାଲିବା ଆରମ୍ଭ କରି ଦିଅନ୍ତୁ । ଏହା ଖୁବ୍ ଜରୁରି । ଦ୍ୱିତୀୟତଃ, ଆପଣ ଯେତେ ଏନର୍ଜିଟିକ୍ ରହିବାକୁ ଚେଷ୍ଟା କଲେ ମଧ୍ୟ ରହିପାରି ନଥାନ୍ତି । ପ୍ରତି ମୁହୂର୍ତ୍ତରେ ଥକ୍କାପଣ ସାଙ୍ଗକୁ ଦୁର୍ବଳ ଅନୁଭବ ହୋଇଥାଏ । ତା’ ସହିତ କିଛି ସମୟ ଅନ୍ତରରେ ମୁଡ୍ ସ୍ୱିଙ୍ଗ୍ ହେବା ମଧ୍ୟ କାର୍ଟିସୋଲ୍ ସ୍ତର ଅଧିକ ରହିବାର ଅନ୍ୟ ଏକ ଲକ୍ଷଣ । ତୃତୀୟତଃ, ଯେତେ ୱାର୍କଆଉଟ୍ କଲେ ମଧ୍ୟ ପେଟ ପାଖରେ ଥିବା ଚର୍ବି କମି ନଥାଏ । ପେଟରେ ସବୁବେଳେ ଚର୍ବି ଜମି ରହିଥାଏ । ଫଳରେ ଆବଶ୍ୟକଠାରୁ ଅଧିକ ୱାର୍କଆଉଟ୍ କରିବାକୁ ପଡିଥାଏ ।
