ନୂଆଦିଲ୍ଲୀ,୦୮/୦୭: ଆମେରିକାର ସାଉଥ୍ ଫିଲାଡେଲିଫିଆରେ ଭୀଷଣ ଗୁଳିମାଡ଼ ହୋଇଛି । ଘଟଣାରେ ୩ଜଣଙ୍କର ମୃତ୍ୟୁ ହୋଇଛି । ୧୦ ଜଣ ଆହତ ହୋଇଛନ୍ତି । ଆହତଙ୍କ ମଧ୍ୟରେ ୨ଜଣ ନାବାଳକ ରହିଛନ୍ତି । ସ୍ଥାନୀୟ ଅଧିକାରୀଙ୍କ ଅନୁସାରେ ଘଟଣା ରବିବାର ବିଳମ୍ବିତ ରାତିରେ ଏବଂ ସୋମବାର ଭୋର ମଧ୍ୟରେ ହୋଇଛି ।
ସ୍ଥାନୀୟ ପୁଲିସ୍ କମିଶନରଙ୍କ କେଭିନ୍ ବେଥଲ କହିଛନ୍ତି, ଗ୍ରେସ୍ ଫେରିର ଏକ ରାସ୍ତାରେ ରାତି ୧ଟା ପୂର୍ବରୁ ଗୁଳି ଫୁଟିଥିଲା। ଆମ ପାଖରେ ବ୍ଲକରେ ଅନେକ ଗୁଳି ଫୁଟିଛି। ଏଥିରେ ୩ ଜଣଙ୍କର ମୃତ୍ୟୁ ହୋଇଛି । ୧୦ ଜଣ ଆହତ ହୋଇଛନ୍ତି । ଆକ୍ରମଣକାରୀ ଭିଡ଼ରେ ଗୁଳି ଚଲାଇଥିଲେ । ଆହତଙ୍କ ମଧ୍ୟରେ ଶିଶୁ ଓ କିଶୋର ରହିଛନ୍ତି । ଏପରି କାହିଁକି ହେଉଛି ମାମଲାର ତଦନ୍ତରେ ଆମେ ପତ୍ତା ଲଗାଇବୁ । ପୁଲିସ ୨୪ ଘଣ୍ଟା ପୂର୍ବରୁ, ଶନିବାର ବିଳମ୍ବିତ ରାତିରୁ ରବିବାର ସକାଳ ପର୍ଯ୍ୟନ୍ତ ସମାନ ବ୍ଲକରେ ରହିଥିଲା । ଅନେକ ଗିରଫ ହୋଇଥିଲେ। ଦୁଇ ଘଟଣା ଗୋଟିଏ ସହ ଜଡିତ କି ନାହିଁ ତାହା ସ୍ପଷ୍ଟ ହୋଇନାହିଁ । "
ସାଉଥ୍ ଫିଲାଡେଲିଫିଆ ଗୁଳିକାଣ୍ଡକୁ ନେଇ, ସଂଯୁକ୍ତ ରାଜ୍ୟ ଆମେରିକାରେ ଜୁନ୍ ଚତୁର୍ଥ ସପ୍ତାହରେ ରୁଜ୍ଜୁ ହୋଇଥିବା ହିଂସା ଘଟଣା ମଧ୍ୟରୁ ଗୋଟିଏ । କିଛି ଦିନ ପୂର୍ବେ ସାଉଥ୍ ଫିଲାଡେଲିଫିଆରେ ଏକ ନାଇଟ୍ କ୍ଲବରେ ଗୁଳିମାଡ଼ ହୋଇଥିଲା । ଏଥିରେ ୮ ଜଣ ଆହତ ହୋଇଥିଲେ । କିଛି ବି ସୂଚନା ଥିଲେ ଜଣାଇବାକୁ ଗ୍ରେସ୍ ଫେରି ଲୋକଙ୍କୁ ଅପିଲ୍ କରିଛି ପୋଲିସ ।
