କୋକସରା,୩୧/୦୭: କଳାହାଣ୍ଡି ଜିଲ୍ଲା କୋକସରା ବ୍ଲକ ବରାଡଙ୍ଗାରେ ନୂଆ ଧାନ ମଣ୍ଡିକୁ ଚାଷୀଙ୍କ ବିରୋଧ । ଶିଉନି ଗାଁର ଚାଷୀମାନେ ଦୀର୍ଘବର୍ଷ ହେଲା ଆମପାଣି ନିୟନ୍ତ୍ରିତ ବଜାର କମିଟି ମଣ୍ଡିରେ ଧାନ ବିକ୍ରି କରି ଆସୁଛନ୍ତି। ହେଲେ ରାଜସ୍ୱ ବିଭାଗ ପକ୍ଷରୁ ଆସନ୍ତା ଖରିଫ ଋତୁଠାରୁ ଶିଉନି ଗାଁର ଚାଷୀଙ୍କୁ ବରାଡ଼ଙ୍ଗା ଗାଁରେ ହେବାକୁ ଥିବା ନୂତନ ମଣ୍ଡିରେ ଧାନ ବିକ୍ରି କହଛନ୍ତି । ଯାହାକୁ ନେଇ ଚାଷୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି ।
ଗୁରୁବାର ବରାଡ଼ଙ୍ଗା ସମିତି ସଭ୍ୟ ଗୁପ୍ତେଶ୍ଵର ବାଗଙ୍କ ନେତୃତ୍ୱରେ ଶିଉନି ଗାଁର ଚାଷୀମାନେ କୋକସରା ତହସିଲଦାର କ୍ଷୀରୋଦ ବିହାରୀ ଭାରତ ନାଗଙ୍କୁ ଭେଟି ଏକ ଦାବିପତ୍ର ପ୍ରଦାନ କରିଛନ୍ତି । ନୂତନ ମଣ୍ଡିରେ ଧାନ ବିକ୍ରି ପାଇଁ ପରିବହନ ବ୍ୟବସ୍ଥା ଠିକ୍ ନାହିଁ । ଆମପାଣି ଠାରୁ ନୂତନ ମଣ୍ଡିର ଦୂରତା ବେଶୀ ରହୁଛି । ନୂଆ ମଣ୍ଡିରେ ଚାଷୀଙ୍କ ଧାନ ସୁରକ୍ଷିତ ରହିବ ନାହିଁ ଏବଂ ଆନୁସଙ୍ଗିକ ଭିତ୍ତିଭୂମି ନାହିଁ ବୋଲି ଏକ ଲିଖିତ ଦାବିପତ୍ର ଦେଇଛନ୍ତି । ଏହା ସହ ପୁର୍ଭଭଳି ଆମପାଣି ମଣ୍ଡିରେ ଧାନ ବିକ୍ରି କରିବା ପାଇଁ ଦାବି କରିଛନ୍ତି । ଏହି ଦାବିପତ୍ର ପ୍ରଦାନ ସମୟରେ ସମିତି ସଭ୍ୟ ଗୁପ୍ତେଶ୍ଵର ବାଗ, ମଣ୍ଟୁ ଧଙ୍ଗଡା ମାଝୀ ,ସୁବାଷ ବେହେରା, ଗୋବିନ୍ଦ ମାଝୀ, ହିମାଞ୍ଚଳ ପୁଝାରୀ, କାର୍ତ୍ତିକ ରାଉତ , ଦେବାନନ୍ଦ ରାଉତ, ମୋହନ ରାଉତ, ଜଗନ୍ନାଥ ପୁଝାରୀ, ନରେନ୍ଦ୍ର ଧଙ୍ଗଡା ମାଝୀ, ସମନ୍ତ ପଣ୍ଡା, ପରମେଶ୍ବର ଧଙ୍ଗଡା ମାଝୀ ପ୍ରମୁଖ ଉପସ୍ଥିତ ଥିଲେ। ତହସିଲଦାର କ୍ଷୀରୋଦ ବିହାରୀ ଭାରତ ନାଗ ଏହା ଉପରେ ତଦନ୍ତ କରି ଚାଷୀଙ୍କ ସ୍ୱାର୍ଥକୁ ଦୃଷ୍ଟିରେ ରଖି ପଦକ୍ଷେପ ନିଆଯିବ ବୋଲି କହିଛନ୍ତି ।
