କଟକ/ଭୁବନେଶ୍ୱର,୧୭/୧୦: ୨୯ତମ ସିନିୟର ମହିଳା ଜାତୀୟ ଫୁଟବଲ ଚାମ୍ପିଅନସିପ୍ରେ ଆସନ୍ତା ୧୯ ତାରିଖରୁ ଓଡ଼ିଶା ଅଭିଯାନ ଆରମ୍ଭ କରିବ । ପ୍ରଥମ ମ୍ୟାଚ୍ରେ ଦଳ ଲଦାଖକୁ ଭେଟିବ । ସେହିପରି ଗ୍ରୁପ୍-ଏଫ୍ର ଦ୍ୱିତୀୟ ମ୍ୟାଚ୍ ୨୧ରେ ଅରୁଣାଚଳ ପ୍ରଦେଶକୁ ଏବଂ ୨୩ରେ ମଧ୍ୟପ୍ରଦେଶକୁ ଭେଟିବାର ସୂଚୀ ରହିଛି । ବୁଧବାର କୋଚ ଗୀତାଞ୍ଜଳି ଖୁଣ୍ଟିଆଙ୍କ ନେତୃତ୍ୱରେ ୨୨ ଜଣିଆ ଓଡ଼ିଶା ଦଳ ଆନ୍ଧ୍ର ପ୍ରଦେଶ ଯାତ୍ରା କରିଛି । ଦଳର ସଫଳତା କାମନା କରି ଫାଓ ସଭାପତି ସୀମର ଦେ ଏବଂ ସମ୍ପାଦକ ଆଶୀର୍ବାଦ ବେହେରା ଶୁଭେଚ୍ଛା ଜଣାଇଛନ୍ତି ।
ଓଡ଼ିଶା ଦଳ: ଗୋଲକିପର-ସୁସ୍ମିତା ପୁନ ଓ ମଞ୍ଜୁ ଗଞ୍ଜୁ । ଡିଫେଣ୍ଡର-ରାଣୀ ବାଗ, ପ୍ରଜ୍ଞା କିଷାନ, ଅମ୍ବୃତା ନାୟକ, ସୁଲେଖା କଅଁର, ସୁବାସିନୀ ସାହା, ଶ୍ରଦ୍ଧାଞ୍ଜଳି ପଣ୍ଡା, ଶିବାନୀ ମୁଣ୍ଡାରୀ । ମିଡଫିଲ୍ଡର- ପ୍ରିୟାସା ସର୍କାର, ଯାହ୍ନବୀ କିଷାନ, ଇପ୍ସିତା ରାଉତ, ମୁନିକା ମିଞ୍ଜ, ଦୀପା ନାୟକ ଏବଂ ଫରୱାର୍ଡଲକ୍ଷ୍ମୀପ୍ରିୟା ଲେଙ୍କା, ସୁଭଦ୍ରା ସାହୁ, ସତ୍ୟବତୀ ଖାଡ଼ିଆ, ମାଳତୀ ମୁଣ୍ଡା, ମନୀଷା ନାଏକ, ପ୍ୟାରୀ ଖା ଖା, ପ୍ରତିମା ଓରାମ ଓ ପୁଷ୍ପାଶ୍ରୀ ମୁଣ୍ଡା ।