ନୂଆଦିଲ୍ଲୀ, ୧୭/୧୦ : ଦିଲ୍ଲୀ କ୍ୟାପିଟାଲ୍ସର ଟିମକୁ ନୂଆ ମୁଖିଆ କୋଚ୍ ମିଳି ଯାଇଛି । ସେ ଆଉ କେହି ନୁହେଁ ବରଂ ଟିମ୍ ଇଣ୍ଡିଆର ପୂର୍ବତନ କ୍ରିକେଟର ହେମାଙ୍ଗ ବଦାନୀ ଅଟନ୍ତି । ଏହା ବ୍ୟତୀତ ଫ୍ରାଞ୍ଚାଇଜ ପୂର୍ବତନ ଭାରତୀୟ ବ୍ୟାଟର ବେଣୁଗୋପାଳ ରାଓଙ୍କୁ ନିଜ କ୍ରିକେଟ ନିର୍ଦ୍ଦେଶକ ନିଯୁକ୍ତ କରିଛନ୍ତି । ବଦାନୀଙ୍କ ପୂର୍ବରୁ ଟିମର ମୁଖ୍ୟ କୋଚ୍ ଅଷ୍ଟେ୍ରଲିଆର ପୂର୍ବତନ କ୍ରିକେଟର ରିକି ପଣ୍ଟିଂ ଥିଲେ । ମାତ୍ର ଆଗାମୀ ସିଜନ ପୂର୍ବରୁ ସେ ମୁଖ୍ୟ ପଦରୁ ଇସ୍ତଫା ଦେଇ ଦେଇଛନ୍ତି । ତାଙ୍କ ପରେ ଫ୍ରାଞ୍ଚାଇଜ ବଦାନୀକୁ ନିଜ ମୁଖ୍ୟ କୋଚ୍ ନିଯୁକ୍ତ କରିଛି ।
ହେମାଙ୍ଗ ବଦାନୀଙ୍କ ପୂର୍ବରୁ ରିକି ପଣ୍ଟିଂ ପୂର୍ବ ୭ବର୍ଷରୁ ଟିମର ଦେଖାରଖା କରୁଥିଲେ । ତାଙ୍କ ନେତୃତ୍ବରେ ଟିମର ପ୍ରଦର୍ଶନ ବି ଭଲ ଥିଲା। କିନ୍ତୁ ତାଜ୍ ଜିତି ନ ପାରିବା କାରଣରୁ କେଉଁଠି ନା କେଉଁଠି ପ୍ରାଞ୍ଚାଇଜ ତାଙ୍କଠାରେ ଅସନ୍ତୁଷ୍ଟ ଥିଲା । ଖାଲି ଏତିକି ନୁହେଁ ବରଂ ସୌରଭ ଗାଙ୍ଗୁଲି ବି ଛାଡ଼ି ସାରିଛନ୍ତି । ତାଙ୍କ ସ୍ଥାନରେ ବେଣୁଗୋପାଳ ରାଓ ପଦ ସମ୍ଭାଳିଛନ୍ତି ।