ଭୁବନେଶ୍ୱର,୦୬/୦୩: ବିଳମ୍ବିତ ରାତ୍ରିରେ ଭୁବନେଶ୍ଵର-ପୁରୀ NH ଗୁଡିଆପୋଖରୀ ଛକ ନିକଟରେ ସ୍କର୍ପିଓକୁ ପିଟିଲା ହାଇୱା । ଘଟଣା ସ୍ଥଳରେ ଜଣେ ଯୁବକ ପ୍ରାଣ ହରାଇଥିବା ବେଳେ ୩ ଜଣ ଗୁରୁତର ହୋଇଛନ୍ତି । ମୃତକ ହେଲେ ଭୁବନେଶ୍ଵର ସୁନ୍ଦରପଦା ଅଞ୍ଚଳର ମନୋଜ ବେହେରା । ପୁରୀ NH ଗୁଡିଆପୋଖରୀ ଛକ ନିକଟରେ ଏଭଳି ଘଟଣା ଘଟିଛି ।
ଟ୍ରଲର୍କୁ ପଛପଟୁ ପିଟିଲା ବାଇକ୍, ଯୁବକ ମୃତ
ସୂଚନା ମୁତାବକ, ବୁଧବାର ବିଳମ୍ବିତ ରାତ୍ରିରେ ସ୍କର୍ପିଓରେ ୪ ଜଣ ଯୁବକ ପୁରୀ ଅଭିମୁଖେ ଯାଉଥିଲେ । ଭୁବନେଶ୍ଵର-ପୁରୀ NHରେ ଯାଉଥିବା ବେଳେ ଗୁଡିଆପୋଖରୀ ଛକ ନିକଟରେ ଏକ ହଇୱା ଆସି ସ୍କର୍ପିଓକୁ ଧକ୍କା ଦେଇଥିଲା । ଏହି ଦୁର୍ଘଟଣାରେ ଘଟଣା ସ୍ଥଳରେ ହିଁ ଜଣଙ୍କର ମୃତ୍ୟୁ ହୋଇଥିବା ବେଳେ ଆଉ ୩ ଜଣ ଗୁରୁତର ହୋଇଥିଲେ । ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲସକୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ପୋଲିସ ପହଞ୍ଚି ଯୁବକଙ୍କ ମୃତଦେହ ଜବତ କରିଛି । ଏହା ସହ ଗୁରୁତରଙ୍କୁ ତୁରନ୍ତ ନିକଟସ୍ଥ ଡାକ୍ତରଖାନାକୁ ପଠାଇ ଘଟଣାର ତଦନ୍ତ ଚଳାଇଛି ପୋଲିସ ।
