ଭୁବନେଶ୍ୱର, ୧୬/୦୩: ଭୁବନେଶ୍ୱର ରାସ୍ତାରେ ଦୁର୍ଘଟଣା । କାର୍ ସହ ମୁହାଁମୁହିଁ ଧକ୍କା ହେଲା ସ୍କୁଟର । ସ୍କୁଟରକୁ ୩୦ମିଟର ଘୋଷାଡି ନେଲା ୱାଗ୍ନର କାର୍। ଦୁର୍ଘଟଣାରେ ଗୁରୁତର ହେଲେ ଦୁଇ ଜଣ । ଆହତଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କଲେ ଉଭୟ ଆମ୍ବୁଲାନ୍ସ ଏବଂ ମୈତ୍ରୀ ବିହାର ଥାନା ପିସିଆର।
ସୂଚନା ମୁତାବକ, ରାସ୍ତାରେ ସ୍କୁଟରଟି ଯାଉଥିବା ବେଳେ ଏକ କାର୍ ଉକ୍ତ ଗାଡି ସହ ମୁହାଁମୁହିଁ ଧକ୍କା ହୋଇଥିଲା । କାର୍ଟି ଉକ୍ତ ସ୍କୁଟରକୁ ୩୦ ମିଟର ଯାଏଁ ରାସ୍ତାରେ ଘୋଷାଢ଼ି ନେଇଥିଲା । ଏହି ଦୁର୍ଘଟଣାରେ ଦୁଇଜଣ ଗୁରୁତର ହୋଇଥିଲେ । ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ଉଭୟ ଆମ୍ବୁଲାନ୍ସ ଏବଂ ମୈତ୍ରୀ ବିହାର ଥାନା ପୋଲିସ ପହଞ୍ଚିଥିଲା । ସେଠାରେ ପହଞ୍ଚି ଆହତଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରିଛି ପୋଲିସ । ଏହା ସହ ଉଭୟ ଗାଡ଼ି ଜବତ କରିବା ପରେ ଆହତ ବ୍ୟକ୍ତିଙ୍କ ପରିଚୟ ଖୋଜି ତଦନ୍ତ ଆରମ୍ଭ କରିଛି ମୈତ୍ରୀ ବିହାର ଥାନା ପୋଲିସ ।
