ଭୁବନେଶ୍ୱର,୧୬/୦୩ : ଶାନ୍ତିପଲ୍ଲୀ ବସ୍ତିରେ ହୋଲିରେ ହତ୍ୟା ଘଟଣା । ତିନି ଜଣ ଅଭିଯୁକ୍ତକୁ ଚିହ୍ନଟ କଲା କମିସନରେଟ ପୋଲିସ। ତିନି ଅଭିଯୁକ୍ତ ଏବେ ବି ଫେରାର ଥିବାବେଳେ ସେମାନଙ୍କୁ ଟ୍ରାକିଂ କରିସାରିଛି ସ୍ଵତନ୍ତ୍ର ସ୍କ୍ୱାର୍ଡ । ଖୁବ୍ ଶୀଘ୍ର ସମସ୍ତ ଅଭିଯୁକ୍ତ ଗିରଫ ହେବେ। ସହିଦନଗର ଅଞ୍ଚଳରେ ଛୁରୀ ଭୂଷି ଗୁପି ଗୁଣିକୁ ହତ୍ୟା କରିଥିଲେ ଅଭିଯୁକ୍ତ ମାନେ। ଅଭିଯୁକ୍ତକୁ ଧରିବାକୁ ଦୁଇଟି ସ୍ପେସାଲ୍ ଟିମ୍ ଗଠନ କରାଯାଇଛି । ଅନ୍ୟପଟେ ସହିଦନଗର ଶାନ୍ତି ପଲ୍ଲୀ ବସ୍ତିରେ ପୋଲିସ୍ ଟିମ୍ ତଦନ୍ତ କରୁଛନ୍ତି । ଡିସିପି ଜଗମୋହନ ମୀନା ଘଟଣାର ତଦନ୍ତକୁ ଗୁରୁତ୍ଵ ସହ ନେଇଛନ୍ତି । ତୁରନ୍ତ ସେମାନଙ୍କୁ ଧରିବାକୁ ପୋଲିସ୍ ବିଭିନ୍ନ ସ୍ଥାନରେ ଚଢାଉ କରୁଛି ।
ସୂଚନା ମୁତାବକ, ସହିଦନଗର ଶାନ୍ତିପଲ୍ଲୀ ବସ୍ତିରେ ଡିଜେ ଗୀତରେ କିଛି ଯୁବକ ନାଚୁଥିଲେ। ଏହି ସମୟରେ ସେଠାକୁ କିଛି ଯୁବକ ଆସିଥିଲେ । ସେମାନେ ଗୁପୀ ଗୁଣି ସହ ଝଗଡା କରିଥିଲେ । ପରେ ଦୁର୍ବୃତ୍ତମାନେ ଛୁରୀରେ ଗୁପିଙ୍କ ପେଟ ଓ ଛାତିକୁ ଆକ୍ରମଣ କରିଥିଲେ । ଘଟଣାସ୍ଥଳରେ ଗୁପିଙ୍କ ମୃତ୍ୟୁ ହୋଇଥିଲା। ଆକ୍ରମଣକାରୀଙ୍କ ଆକ୍ରମଣରେ ଅନ୍ୟ ଜଣେ ମହିଳା ମଧ୍ୟ ଆହତ ହୋଇଥିଲେ ।
