ଭୁବନେଶ୍ୱର ୧୬/୦୩: ରାଜ୍ୟରେ କାହାର ହଠାତ୍ କଟାଯିବନି ରାସନ କାର୍ଡ। ଫିଲ୍ଡ ସର୍ଭେ ଯାଞ୍ଚ କରିବା ପରେ କଟାଯିବ କାର୍ଡ। ଜିଲ୍ଲାସ୍ତରୀୟ ଅଧିକାରୀମାନଙ୍କ ସମସ୍ତ ତଥ୍ୟ ଦିଆଯାଇଛି। ଯେଉଁ ହିତାଧିକାରୀମାନେ ବ୍ୟାଙ୍କ ଲୋନ୍ ପାଇଁ ଶୂନ୍ୟ ଟିକସ ଦାଖଲ କରିଥିବେ। ସେମାନଙ୍କ ଫିଲ୍ଡ ଭିଜିଟ୍ କରି ଅଫିସରମାନେ ତର୍ଜମା କରିବେ। ପ୍ରକୃତରେ କେତେ ଜଣ ଧନୀ ଏବଂ କେତେ ଜଣ ଗରିବ ଅଛନ୍ତି ତଥ୍ୟ ଆସିବା ପରେ ଫାଇନାଲ ନିଷ୍ପତ୍ତି ନିଆଯିବା। ଏନେଇ ଖାଦ୍ୟ ଯୋଗାଣ ଏବଂ ଖାଉଟି କଲ୍ୟାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର ସୂଚନା ଦେଇଛନ୍ତି।
ମନ୍ତ୍ରୀ ଆହୁରି କହିଛନ୍ତି ଯେ, ରାଜ୍ୟରେ ବର୍ତ୍ତମାନ ସୁଦ୍ଧା ୩୦ ଲକ୍ଷ ୭୩୪ ଲୋକ e-KYC କରି ନାହାନ୍ତି। ପୂର୍ବରୁ ଯେଉଁ ଗତିରେ ଇ-କେୱାଇସି ହେଉଥିଲା ଏବେ ସେମିତି ଇ-କେୱାଇସି ହେଉନାହିଁ। ଦିନକୁ ହଜାରରୁ ୧୨ଶହ ଲୋକ ଇ-କେୱାଇସି କରୁଛନ୍ତି। ମାର୍ଚ୍ଚ ୩୧ ଯାଏ ଏହି ପ୍ରକ୍ରିୟା ଚାଲିବ। ପଞ୍ଜିକରଣ ଅବଧି ସରିବା ପରେ ବାକି ଥିବା ଲୋକ କାହିଁକି ଇ-କେୱାଇସି କଲେ ନାହିଁ ଯାଞ୍ଚ କରାଯାଇ ରାସନ କାର୍ଡ କଟାଯିବ। ସର୍ଭେ ପରେ ନୂଆ ରାସନ କାର୍ଡ ହିତାଧିକାରୀ ରାସନ ପାଇବେ।
