ଫିରିଙ୍ଗିଆ, ୧୩/୯ :  ଫିରିଙ୍ଗିଆ ବ୍ଲକ ସ୍ଥାନୀୟ ଖେଳ ପଡିଆରେ ୨ ଦିନିଆ ବିଦ୍ୟାଳୟ ସ୍ତରୀୟ କ୍ରୀଡା ଓ କ୍ରୀଡ଼ାବିତ ଚୟନ କାର୍ଯ୍ୟକ୍ରମ ଅନୁଷ୍ଠିତ ହୋଇଛି l ପ୍ରଥମ ଦିନରେ କ୍ରୀଡା ଚୟନ କାର୍ଯ୍ୟକ୍ରମ ସଭାପତି ତଥା ଫିରିଙ୍ଗିଆ ଗୋଷ୍ଠୀ ଶିକ୍ଷା ଅଧିକାରୀ ବିନୋଦ ବିହାରୀ ଦିଗାଲଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା ଏହି କାର୍ଯ୍ୟକ୍ରମ । ଏଥିରେ ମୁଖ୍ୟ ଅତିଥି ଭାବେ ଫିରିଙ୍ଗିଆ ଗୋଷ୍ଠୀ ଉନ୍ନୟନ ଅଧିକାରୀ ଅନୁପ ଅଭିଷେକ ବେହେରା ଯୋଗ ଦେଇଥିଲେ l 

ଅନ୍ୟ ଅତିଥିମାନଙ୍କ ମଧ୍ୟରେ ବିଦ୍ୟାଳୟର ସଭାପତି ମଧୁସ୍ମିତା ନାୟକ, ନୋଡାଲ ଉଚ୍ଚ ମାଧ୍ୟମିକ ବିଦ୍ୟାଳୟ ପ୍ରଧାନ ଶିକ୍ଷୟିତ୍ରୀ କୁମାରୀ ପୁନମ ଯୋଗଦେଇଥିଲେ l ଚଳିତ ମାସ ୧୩ ଓ ୧୪ ତାରିଖ ୨ ଦିନ ଧରି ଏହି କ୍ରୀଡା ଓ ଚୟନ କାର୍ଯ୍ୟକ୍ରମ ରହିଥିବାବେଳେ ଫିରିଙ୍ଗିଆ ବ୍ଲକର ୨୫ଟି ବିଦ୍ୟାଳୟର ୨୮୦ ଜଣ ଛାତ୍ରଛାତ୍ରୀ କ୍ରୀଡା ଚୟନ କାର୍ଯ୍ୟକ୍ରମରେ ଭାଗ ନେଇଛନ୍ତି l 

କବାଡି, ହକି, ଭଲି ବଲ, ଭଲି ଖେଳ ଆୟୋଜନ କରାଯାଇଥିବାବେଳେ ଏଥିରେ ୧୪ ବର୍ଷରୁ କମ ବାଳକ ଓ ବାଳିକା ଙ୍କୁ ନେଇଁ କ୍ରୀଡା ଅନୁଷ୍ଠିତ ହୋଇଥିଲା । ଅନୁରୂପ ଭାବେ ୧୭ବର୍ଷରୁ କମ ବାଳକ ଓ ବାଳିକା ବର୍ଗରେ ମଧ୍ୟ କ୍ରୀଡା ଅନୁଷ୍ଠିତ ହୋଇଛି l ସେହିପରି ଦ୍ୱିତୀୟ ଦିନରେ ବ୍ୟାଡ଼ ମିଣ୍ଟନ, ରଗବି,ଚେସ, ବାସ୍କେଟ ବଲ ଭଳି କ୍ରୀଡା ଅନୁଷ୍ଠିତ ହେବାକୁ ଥିବା କାର୍ଯ୍ୟକ୍ରମ ସଭାପତି ତଥା ଗୋଷ୍ଠୀ ଶିକ୍ଷା ଅଧିକାରୀ ବିନୋଦ ବିହାରୀ ଦିଗାଲଙ୍କଠାରୁ ସୂଚନା ମିଳିଛି l ପ୍ରଥମ ଦିନରେ କ୍ରୀଡା ଶିକ୍ଷକ ପ୍ରଦୀପ ସାହୁ, ଗୌର ଚନ୍ଦ୍ର ମହାନ୍ତି, ପ୍ରଶାନ୍ତ ବେହେରା, ଅକ୍ଷୟ କହଁର ପରିଚାଳନା କରିଥିବାବେଳେ ବ୍ଲକର ସମସ୍ତ କ୍ରୀଡା ଶିକ୍ଷକ ସହଯୋଗ କରିଥିଲେ l ଏହି କ୍ରୀଡା କାର୍ଯ୍ୟକ୍ରମରୁ ବ୍ଲକ ସ୍ତରରୁ ଚୟନ ହୋଇଥିବା ଛାତ୍ରଛାତ୍ରୀ ଜିଲ୍ଲାସ୍ତରରେ ଭାଗ ନେବାର କାର୍ଯ୍ୟକ୍ରମ ରହିଥିବା ସୂଚନା ମିଳିଛି l