ଭୁବନେଶ୍ୱର,୧୬/୦୬: ଆଜି ଜାତୀୟ ଶିକ୍ଷକ ଅନୁସନ୍ଧାନ ଓ ପ୍ରଶିକ୍ଷଣ ପ୍ରତିଷ୍ଠାନ (ଏନ୍ସିଇଆର୍ଟି) ଅନ୍ତର୍ଗତ ଆଞ୍ଚଳିକ ଶିକ୍ଷା ପ୍ରତିଷ୍ଠାନରେ ବିଏଡ୍, ଏମ୍ଏଡ୍, ବିଏବିଏଡ୍, ବିଏସ୍ସିବିଇଡି, ଏମ୍ଏସ୍ସିଇଡି ନାମଲେଖା ପାଇଁ ପ୍ରବେଶିକା ପରୀକ୍ଷା ଅନୁଷ୍ଠିତ ହେବ । ଦେଶର ୨୯ଟି ସହରରେ ୫୮ଟି କେନ୍ଦ୍ରରେ ସର୍ବଭାରତୀୟ ଚୟନ ପରୀକ୍ଷା (ସିଇଇ-୨୦୨୪) ହେବ । ସକାଳ ୯ଟାରୁ ୧୧ଟା ଯାଏ ହେବାକୁ ଥିବା ପରୀକ୍ଷାରେ ମୋଟ୍ ୧୯ ହଜାର ୫୪୭ ପରୀକ୍ଷାର୍ଥୀ ରହିଛନ୍ତି । ଓଡ଼ିଶାରେ ମୋଟ ୫ଟି ପରୀକ୍ଷା କେନ୍ଦ୍ର ହୋଇଛି । ଚଳିତବର୍ଷ ଭୁବନେଶ୍ୱର ଆଞ୍ଚଳିକ ଶିକ୍ଷା ପ୍ରତିଷ୍ଠାନ ଏହି ପରୀକ୍ଷାକୁ ନୋଡାଲ୍ କେନ୍ଦ୍ର ଭାବେ ପରିଚାଳନା କରୁଛି । ଭୁବନେଶ୍ୱର, ଭୋପାଳ, ଆଜମେର୍, ମୈସୂର ଓ ଶିଲିଂ ଆଞ୍ଚଳିକ ଶିକ୍ଷା ପ୍ରତିଷ୍ଠାନରେ ନାମଲେଖା ହେବ ।
ସୂଚନାଯୋଗ୍ୟ, ମେ ୩୧ରେ ଆବେଦନ ସମୟ ସୀମା ସରିଥିବା ବେଳେ ଛାତ୍ରଛାତ୍ରୀଙ୍କ ଅନୁରୋଧ କ୍ରମେ ଏହାକୁ ଜୁନ୍ ୭ ଯାଏ ବୃଦ୍ଧି କରାଯାଇଥିଲା । ଚଳିତ ବର୍ଷ ମୋଟ୍ ୧୯୪୫୭ ଜଣ ପିଲା ପରୀକ୍ଷା ଦେବେ । ଜୁଲାଇ ୫ରେ ବିଏବିଏଡ୍, ବିଏସ୍ସିବିଇଡି, ଏମ୍ଏସ୍ସିଇଡି ପ୍ରବେଶିକା ଫଳ ପ୍ରକାଶ ପାଇବ । ସେହିପରି ୧୦ ତାରିଖରେ ବିଏଡ୍, ଏମ୍ଏଡ୍ ଫଳ ପ୍ରକାଶ ପାଇବ । ଓଡ଼ିଶାରେ ନାମଲେଖା ପାଇଁ ପ୍ରାୟ ୩୫୦ ସିଟ୍ ରହିଛି । ଭୁବନେଶ୍ୱର ଆଞ୍ଚଳିକ ଶିକ୍ଷା ପ୍ରତିଷ୍ଠାନ ଏହାକୁ ପରିଚାଳନା କରୁଛି ଏନେଇ ଅଧିକ ସୂଚନା ଏନ୍ସିଇଆର୍ଟି ୱେବ୍ସାଇଟ୍ ଙ୍ଗଙ୍ଗଙ୍ଗ.ମରର.ଦ୍ଭମରକ୍ସଗ୍ଧ.ଶକ୍ଟଙ୍ଖ.ସଦ୍ଭରେ ରହିଛି ।