ଖଲ୍ଲିକୋଟ,୧୮/୧୨: କୋଦଳା ମୁଖ୍ୟ ରାସ୍ତାରେ ଥିବା ତେଜ ଆଗ୍ରୋ ମୃଦୁ ପାନୀୟ ଫ୍ୟାକ୍ଟ୍ରିରେ ଲାଗିଲା ନିଆଁ । ଏହି ଅଗ୍ନିକାଣ୍ଡରେ କୋଟିଏରୁ ଉର୍ଦ୍ଧ୍ୱ ଟଙ୍କାର କଞ୍ଚା ମାଲ ପୋଡ଼ି ପାଉଁଶ ହୋଇଯାଇଛି । ବୁଧବାର ଭୋର ୪ଟାରୁ ୫ଟା ଭିତରେ ସଟ୍ ସର୍କିଟ ଯୋଗୁଁ ନିଆଁ ଲାଗିଥିବା ସନ୍ଦେହ କରାଯାଉଛି । ଗଞ୍ଜାମ ଜିଲ୍ଲା ଖଲ୍ଲିକୋଟ ଅଞ୍ଚଳରେ ଥିବା ତେଜ ଆଗ୍ରୋ କୋଲ୍ଡ ଡ୍ରିଙ୍କସ୍ ଫ୍ୟାକ୍ଟ୍ରିରେ ଏଭଳି ଅଗ୍ନିକାଣ୍ଡ ହୋଇଥିବା ଖବର ସାମ୍ନାକୁ ଆସିଛି ।
ସୂଚନା ମୁତାବକ, କୋଦଳା ମୁଖ୍ୟ ରାସ୍ତାରେ ଥିବା ତେଜ ଆଗ୍ରୋ କୋଲ୍ଡ ଡ୍ରିଙ୍କସ୍ ଫ୍ୟାକ୍ଟ୍ରିରେ ବୁଧବାର ଭୋର ୪ଟାରୁ ୫ଟା ଭିତରେ ନିଆଁ ଲାଗି ଯାଇଥିଲା । ଏହା ଦେଖି ସ୍ଥାନୀୟଲୋକେ ତୁରନ୍ତ ଅଗ୍ନିଶମ ବାହିନୀକୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ କୋଦଳା ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ କରିଛି । ହେଲେ ନିଆଁ ଲାଗିବା କାରଣରୁ ଫ୍ୟାକ୍ଟ୍ରିରେ ଥିବା କୋଟିଏରୁ ଉର୍ଦ୍ଧ୍ୱ ଟଙ୍କାର କଞ୍ଚା ମାଲ ପୋଡ଼ି ପାଉଁଶ ହୋଇଯାଇଛି । ତେବେ ସଟ୍ ସର୍କିଟ ଯୋଗୁଁ ଏହି ଅଗ୍ନିକାଣ୍ଡ ହୋଇଥିବା ଅନୁମାନ କରାଯାଉଛି ।
