ଭୁବନେଶ୍ବର, ୧୭।୧୨ : କଣ୍ଟେନରର ସିକ୍ରେଟ ଚାମ୍ବର ଭିତରେ ଲୁକାୟିତ ଭାବେ ଗଞ୍ଜେଇ ଚୋରା ଚାଲଣା କରାଯାଉଥିବା ବେଳେ ଅବକାରୀ ଗୁଇନ୍ଦା ବିଭାଗ ଚଢାଉ କରି କଣ୍ଟେନର ଜବତ କରିଛି। କଣ୍ଟେନର ରୁ ପ୍ରାୟ ୨୬୫କିଲୋ ଗଞ୍ଜେଇ ଜବତ ସହ ଜଣେ ଡ୍ରାଇଭରକୁ କାବୁ କରିଛି ଅବକାରି ଗୁଇନ୍ଦା ବିଭାଗ। ଜବତ ଗଞ୍ଜେଇର ଆନୁମାନିକ ମୂଲ୍ୟ ୨୬ଲକ୍ଷ ୬୦ ହଜାର ଟଙ୍କା ହେବ ବୋଲି ଜଣା ପଡିଛି।
ଗାଡିର ଆନୁମାନିକ ମୂଲ୍ୟ ୫୦ ଲକ୍ଷ ଏବଂ ବାଇକର ଆନୁମାନିକ ମୂଲ୍ୟ ଦୁଇ ଲକ୍ଷ ଏଭଳି ମୋଟ ୭୮ ଲକ୍ଷ ୫୦ ହଜାର ଟଙ୍କା ର ସାମଗ୍ରୀ ଜବତ ଥିବା ବିଭାଗୀୟ ଅଧିକାରୀ କହିଛନ୍ତି। ତେବେ ଏହି ଗଞ୍ଜେଇ ଚୋରା ଚାଲାଣ ର ଚେର ମହାରାଷ୍ଟ୍ର କୁ ଲମ୍ବିଥିବା ବେଳେ ଅନ୍ଯ ଅଭିଯୁକ୍ତ କୁ ଅତିଶୀଘ୍ର କାବୁ କରାଯିବ ବୋଲି ସୁଚନା ମିଳିଛି।
