ଗଞ୍ଜାମ,୧୫/୧୨: ପାଚିକା ସହାୟିକାଙ୍କ ରାଲି ନିମନ୍ତେ ଭୁବନେଶ୍ୱର ଯିବା ପାଇଁ ବାହାରିଥିଲେ ଦୁଇ ମହିଳା । ଟ୍ରେନ୍ ଧକ୍କାରେ ଚାଲିଗଲା ଜୀବନ । ମୃତକ ପିତାତଳୀ ଜଗନ୍ନାଥପୁର ଗାଁର ପାର୍ବତୀ ଗୌଡ଼ (୫୯) ଓ ଝୁନୁ ଗୌଡ (୬୨) ବୋଲି ଜଣାପଡ଼ିଛି । ଗଞ୍ଜାମ ଜିଲ୍ଲା ସୁରଳ ଷ୍ଟେସନ୍ ନିକଟରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ଭୁବନେଶ୍ୱର ପାଚିକା ସଂଘ ଆନ୍ଦୋଳନକୁ ଯାଉଥିବା ବେଳେ ଦୁର୍ଘଟଣା। ସୁରଳ ରେଳ ଷ୍ଟେସନ ରେଳ ଧାରଣା ପାର ହେଉଥିବା ବେଳେ ସକାଳ ୫ଟା ୪୧ମିନଟ ସମୟରେ ପାଲାସା କଟକ ମେମୁ ଟ୍ରେନ୍ଟି ଆସି ଯାଇଥିଲା। ଷ୍ଟେସନ୍ ଶେଷକୁ ଦୁହେଁ ପ୍ଲାଟ୍ ଫର୍ମ ଶେଷ ଆଡ଼କୁ ଚଢ଼ୁଥିବା ବେଳେ ପ୍ଲାଟ୍ ଫାର୍ମ ଉଚ୍ଚା ହେତୁ ଉଭୟେ ଉପରକୁ ଉଠି ପାରିନଥିଲେ। ଏହି ସମୟରେ ଟ୍ରେନଟି ଧକ୍କା ଦେଇଥିଲା। ଫଳରେ ଉଭୟଙ୍କର ଘଟଣା ସ୍ଥଳରେ ମୃତ୍ୟୁ ହୋଇଛି । ଉଭୟ ମହିଳା ଜଗନ୍ନାଥପୁର ସ୍କୁଲର ପାଚିକା ସହାୟିକା ଭାବେ କାର୍ଯ୍ୟ କରୁଥିଲେ। ଏହା ଦେଖି୍ ଘଟଣା ସ୍ଥଳରେ ପରିବାର ଓ ଗ୍ରାମର କିଛି ଲୋକ ପହଞ୍ଚି ରେଳବାଇ ପୋଲିସ ସହଯୋଗରେ ଶବ ଉଦ୍ଧାର କରିଛନ୍ତି । ଏନେଇ ରେଳବାଇ ଥାନାରେ ମାମଲା ରୁଜୁ ହୋଇ ଶବ ବ୍ୟବଚ୍ଛେଦ ପାଇଁ ପଠାଯାଇଛି। ଏହି ଘଟଣା ପରେ ସାରା ଚିକିଟି ବ୍ଲକ ଅଞ୍ଚଳରେ ଶୋକର ଛାୟା ଖେଳି ଯାଇଛି।
