ଆସିକା,୧୬/୧୨: କୁଶରାବ ଗ୍ରାମରେ ବିଳମ୍ବିତ ରାତିରେ ଅଗ୍ନିକାଣ୍ଡ । ନିଆଁ ଲାଗି ଜଳିଗଲା ୪ ଚାଷୀଙ୍କ ୬ ଏକର ଜମିର ଧାନ । ଗାଁର ବିଶ୍ୱନାଥ ସାହୁ, ଶ୍ରୀନିବାସ ଗୌଡ଼, କାହ୍ନୁ ଗୌଡ଼ ଓ ଘନ ଗୌଡ଼ଙ୍କ ଜମିର ଅମଳ ଧାନଗଦା ସମ୍ପୂର୍ଣ୍ଣ ଭାବରେ ପୋଡ଼ି ପାଉଁଶ ହୋଇ ଯାଇଛି । ଗଞ୍ଜାମ ଜିଲ୍ଲା ଧରାକୋଟ ବ୍ଳକ କୁଶରାବ ଗ୍ରାମରେ ଏଭଳି ଘଟଣା ଘଟିଛି ।
ସୂଚନା ମୁତାବକ, କୁଶରାବ ଗାଁର ବିଶ୍ୱନାଥ ସାହୁ, ଶ୍ରୀନିବାସ ଗୌଡ଼, କାହ୍ନୁ ଗୌଡ଼ ଓ ଘନ ଗୌଡ଼ଙ୍କ ଜମିର ଅମଳ ଧାନକୁ ଗଦା କରି ରଖିଥିଲେ । ହେଲେ ରବିବାର ବିଳମ୍ବିତ ରାତିରେ କେହି ଦୁବୃର୍ତ୍ତ ନିଆଁ ଲଗାଇ ଦେବାରୁ ମୋଟ ୫ଟି ଗଦାର ଧାନ ପୋଡି ପାଉଁଶ ହୋଇ ଯାଇଥିଲା । ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସ ଏବଂ ଅଗ୍ନିଶମ ବାହିନୀକୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ଉଭୟ ପହଞ୍ଚିଥିଲେ । ସେଠାରେ ପହଞ୍ଚି ଅଗ୍ନିଶମ ବାହିନୀ ନିଆଁକୁ ଆୟତ କରିଥିଲେ ମଧ୍ୟ ଧାନଗଦା ଗୁଡ଼ିକ ସମ୍ପୂର୍ଣ୍ଣ ଭାବରେ ପୋଡି ପାଉଁଶ ହୋଇ ଯାଇଛି । ବର୍ଷକର ଶ୍ରମ ଅର୍ଜିତ ଧାନ ଘରକୁ ଆମଳ କରିବା ପୂର୍ବରୁ ଏପରି ଅଗ୍ନିକାଣ୍ଡ ଚାଷୀଙ୍କ ମେରୁଦଣ୍ଡ ଭାଙ୍ଗି ଯାଇଥିବା ବେଳେ କ୍ଷତି ପୁରଣ ପାଇଁ ଦାବି ହୋଇଛି।
