ପୁରୀ,୦୧/୦୭: ରଥଯାତ୍ରାର ଚୂଡ଼ାନ୍ତ ସମନ୍ୱୟ କମିଟି ବୈଠକ ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ଆସନ୍ତା ୨ ତାରିଖ ଦିନ ଟାଉନ୍ ହଲ୍ଠାରେ ହେବ । ପୂର୍ବାହ୍ନ ୧୧ଟା ୧୫ମିନିଟ୍ରେ ଏହି ବୈଠକ ବସିବ । ଏନେଇ ପ୍ରଶାସନ ପକ୍ଷରୁ ସୂଚିତ କରାଯାଇଛି । ବୈଠକରେ ମୁଖ୍ୟମନ୍ତ୍ରୀଙ୍କ ସମେତ ରାଜ୍ୟ ମନ୍ତ୍ରିମଣ୍ଡଳର ବହୁ ମନ୍ତ୍ରୀ ଓ ସଚିବଙ୍କ ସମେତ ବରିଷ୍ଠ ପୁଲିସ ଅଧିକାରୀମାନେ ଯୋଗଦେବାର କାର୍ଯ୍ୟକ୍ରମ ରହିଛି । ପୁରୀ ସହରର ରାସ୍ତା, ସଫେଇ, ସୁରକ୍ଷା ବ୍ୟବସ୍ଥା ବିପର୍ଯ୍ୟସ୍ତ ଅବସ୍ଥାରେ ପଡ଼ିଥିବା ବେଳେ ମୁଖ୍ୟମନ୍ତ୍ରୀ ଏହାର ସମୀକ୍ଷା କରିବେ । ବୈଠକରେ ଉପସ୍ଥିତ ବୁଦ୍ଧିଜୀବୀ, ସେବାୟତ, ସାମ୍ବାଦିକଙ୍କ ମତାମତକୁ ଦୃଷ୍ଟିରେ ରଖି ମୁଖ୍ୟମନ୍ତ୍ରୀ କାର୍ଯ୍ୟାନୁଷ୍ଠାନ ମଧ୍ୟ ଗ୍ରହଣ କରିବେ । ଆଇନ ମନ୍ତ୍ରୀଙ୍କ ଅଧ୍ୟକ୍ଷତାରେ ବସିଥିବା ଗତ ରଥଯାତ୍ରା ସମନ୍ୱୟ ବୈଠକରେ ପ୍ରଶାସନିକ ଅବ୍ୟବସ୍ଥାର ଅନେକ ଅଭିଯୋଗ ଆସିଥିଲା । ସମସ୍ତ ବିଭାଗ ନିଜର କାର୍ଯ୍ୟ ପହିଲା ସୁଦ୍ଧା ଶେଷ କରିବାକୁ ନିର୍ଦ୍ଦେଶ ଦିଆଯାଇଥିଲା । ତେଣୁ ମୁଖ୍ୟମନ୍ତ୍ରୀଙ୍କ ରଥଯାତ୍ରା ସମୀକ୍ଷା ତଥା ସମନ୍ୱୟ କମିଟି ବୈଠକ ବେଶ ଗୁରୁତ୍ୱ ବହନ କରିବ।
![French Elections](https://odia.prameya.com/prameya/document/compress/2/comp_2_134_1719896148396.webp)
ଫ୍ରାନ୍ସ ସଂସଦୀୟ ନିର୍ବାଚନ: ମାକ୍ରନ୍ଙ୍କ ଦଳ ପଛୁଆ,...