ମୁମ୍ବାଇ, ୨୩/୧ : ଆଇପିଏଲ୍ ୨୦୨୫ର ଆରମ୍ଭ ବେଶୀ ଦୂର ନୁହେଁ । ଘୋଷଣା ପୂର୍ବରୁ ହିଁ ହୋଇସାରିଛି କି ଆଇପିଏଲର ଆଗାମୀ ସିଜନର ଆରମ୍ଭ ୨୧ମାର୍ଚ୍ଚରେ ହେବ ଏବଂ ଫାଇନାଲ ୨୫ମଇରେ ଖେଳାଯିବ । କିନ୍ତୁ ଏହା ପୂର୍ବରୁ କୋଲକାତା ନାଇଟ ରାଇଡର୍ସକୁ ଲାଗିଛି ବଡ଼ ଝଟକା । ଆଗାମୀ ସିଜନ କୋଲକାତାର ସବୁଠାରୁ ମହଙ୍ଗା ଖେଳାଳୀ ଭେଙ୍କଟେଶ ଅୟର ରଣଜୀ ଟ୍ରଫିର ମ୍ୟାଚ୍ ସମୟରେ ଆହତ ହୋଇଛନ୍ତି । ଅୟର ଡୋମେଷ୍ଟିକ କ୍ରିକେଟରେ ମଧ୍ୟ ପ୍ରଦେଶ ଲାଗି ଖେଳିଥାନ୍ତି ଏବଂ କେରଳ ବିପକ୍ଷ ମ୍ୟାଚରେ ତାଙ୍କୁ ଆଘାତ ଲାଗିଛି ।
କେରଳ ବିପକ୍ଷ ମ୍ୟାଚରେ ମଧ୍ୟପ୍ରଦେଶର ଟିମ୍ ପ୍ରଥମେ ବ୍ୟାଟିଂ କରିବାକୁ ଓହ୍ଲାଇଥିଲା । ପ୍ରକାଶ ଯେ, ମଧ୍ୟପ୍ରଦେଶର ଟିମ୍ ୧୭.୨ଓଭର ଖେଳରେ ୪୯ରନରେ ହିଁ ୪ଓ୍ବିକେଟ ହରାଇଥିଲା । ଏଭଳି ସ୍ଥଳେ ଭେଙ୍କଟେଶ ଅୟର ଷଷ୍ଠ କ୍ରମରେ ବ୍ୟାଟିଂ କରିବାକୁ ଆସିଥିଲେ ଏବଂ ତାଙ୍କ କାନ୍ଧରେ ଟିମକୁ ବଡ଼ ସ୍କୋର ପର୍ଯ୍ୟନ୍ତ ନେଇଯିବାର ଦାୟିତ୍ବ ଥିଲା । ଏବେ ପାଳିରେ ୩ଟି ବଲ୍ ଖେଳିଥିଲେ। କିନ୍ତୁ ବ୍ୟାଟିଂ ସମୟରେ ତାଙ୍କୁ ଆଘାତ ଲାଗିଛି । ପରେ ସେ ପଡ଼ିଆରେ ପଡ଼ିଯାଇଥିଲେ ଏବଂ ଫିଜିଓକୁ ବି ଡକାଯାଇଥିଲା । କିଛି ସମୟ ପରେ ସେ ପଡ଼ିଆରୁ ବାହାରକୁ ଚାଲି ଯାଇଥିଲେ । ସେ ରିଟାୟର୍ଡ ହଟ୍ ହୋଇଯାଇଥିଲେ ।
