ନୂଆଦିଲ୍ଲୀ,୨୩/୧: ସଦ୍ୟ ସମାପ୍ତ ଖୋ ଖୋ ବିଶ୍ବକପରେ ଉଭୟ ଭାରତୀୟ ପୁରୁଷ ଓ ମହିଳା ଦଳ ଚାମ୍ପିଅନ ହୋଇ ଦେଶ ପାଇଁ ଗର୍ବ ଓ ଗୌରବ ଆଣିଛନ୍ତି । ଏହା ପରେ ପୁରାତନ ଖେଳ ଖୋ ଖୋକୁ ନେଇ ଏକ ସଫଳ ସୁନ୍ଦର ଭବିଷ୍ୟତ ଦେଖା ଦେଇଛି । ଏହି ପରିପ୍ରେକ୍ଷୀରେ ଯଦି ଭାରତକୁ ୨୦୩୬ ଅଲିମ୍ପିକ୍ସ ଆୟୋଜନ କରିବାରୁ ଅଧିକାର ଭାରତକୁ ମିଳେ ତେବେ ଏଥିରେ ଖୋ-ଖୋକୁ ସାମିଲ କରାଯିବ । ଖାଲି ସେତିକି ନୁହେଁ ଖୋ-ଖୋ ସମେତ ୬ଟି ସ୍ବଦେଶୀ ଖେଳକୁ ସାମିଲ କରାଯିବାକୁ ଯୋଜନା କରାଯାଉଛି । ଏ ନେଇ ସୂଚନା ଦେଇଛନ୍ତି କେନ୍ଦ୍ର କ୍ରୀଡାମନ୍ତ୍ରୀ ମନସୁଖ ମାଣ୍ଡବ୍ୟ ।
୨୦୩୬ ଅଲିମ୍ପିକ୍ସ ଆୟୋଜନ ଲାଗି ଭାରତ ସରକାର ଅନ୍ତର୍ଜାତୀୟ ଅଲିମ୍ପିକ୍ସ ପରିଷଦକୁ ଆଗ୍ରହ ପତ୍ର ପଠାଇଛନ୍ତି । ଯଦି ଭାରତକୁ ୨୦୩୬ ଅଲିମ୍ପକ୍ସ ଆୟୋଜନ କରିବାର ଅଧିକାର ମିଳେ ତେବେ ଏଥିରେ ଖୋ ଖୋ ସମେତ ୬ଟି ସ୍ବଦେଶୀ ଖେଳକୁ ସାମିଲ କରାଯିବ । ଖୋ ଖୋ ଛଡା ଟ୍ବେଣ୍ଟି-୨୦ କ୍ରିକେଟ, କବାଡି, ଚେସ୍ ଓ ସ୍କ୍ବାସ୍ ଉପରେ ମଧ୍ୟ ନଜର ରହିଛି । ଏ ନେଇ ସରକାର ଯୋଜନା କରୁଥିବା କହିଛନ୍ତି କେନ୍ଦ୍ର କ୍ରୀଡାମନ୍ତ୍ରୀ ମନସୁଖ ମାଣ୍ଡବ୍ୟ ।
ଏହା ବି ପଢନ୍ତୁ...ମହିଳାଙ୍କ ପରେ ଭାରତୀୟ ପୁରୁଷ ଦଳ ରଚିଲା ଇତିହାସ, ପ୍ରଥମ ଖୋ ଖୋ ବିଶ୍ବକପ୍ରେ କଲେ ବାଜିମାତ୍
ନିକଟରେ ଖୋ ଖୋ ବିଶ୍ବକପର ପ୍ରଥମ ସଂସ୍କରଣ ଆୟୋଜନ ହୋଇଥିଲା । ପ୍ରଥମ ଥର ଭାରତୀୟ ଦଳ ବାଜିମାତ କରିଛି । ଉଭୟ ମହିଳା ଓ ପୁରୁଷ ଦଳ ବିଶ୍ବ ବିଜେତା ହୋଇଛନ୍ତି । ଦିଲ୍ଲୀର ଇନ୍ଦିରା ଗାନ୍ଧୀ ଇନଡୋର ଷ୍ଟାଡିୟମରେ ଖେଳାଯାଇଥିବା ପ୍ରଥମ ଖୋ-ଖୋ ବିଶ୍ୱକପ ଫାଇନାଲରେ ଭାରତୀୟ ମହିଳା ଏବଂ ପୁରୁଷ ଦଳ ନେପାଳକୁ ପରାସ୍ତ କରି ଟାଇଟଲ ଜିତିଥିଲେ । ଗତକାଲି (ବୁଧବାର) ଖୋ ଖୋ ବିଶ୍ବବିଜୟୀ ଭାରତୀୟ ପୁରୁଷ ଓ ମହିଳା ଦଳକୁ ସମ୍ବର୍ଦ୍ଧିତ କରାଯାଇଥିଲା ।
