ନୂଆଦିଲ୍ଲୀ: ଆଇପିଏଲ୍ ୨୦୨୫କୁ ନେଇ ଖେଳପ୍ରେମୀଙ୍କ ମନରେ ପ୍ରବଳ ଉତ୍ସାହ । ଏହାରି ମଧ୍ୟରେ ରାଜସ୍ଥାନ ରୟାଲ୍ସ (ଆରଆର) ଆଇପିଏଲ୍ର ୧୮ ତମ ସଂସ୍କରଣ ଲାଗି ନିଜର ନୂଆ ଜର୍ସି ଉନ୍ମୋଚନ କରିଛି । ଏନେଇ ସୋସିଆଲ୍ ମିଡିଆ ଏକ୍ସରେ ପୋଷ୍ଟ କରି ଟିମ୍ ପକ୍ଷରୁ ସୂଚନା ଦିଆଯାଇଛି । ନୂଆ ଜର୍ସିରେ ବିଶେଷ କିଛି ପରିବର୍ତ୍ତନ ହୋଇନାହିଁ । ଏଥିରେ ଜୟପୁରର ଝଲକ ସ୍ପଷ୍ଟ ଭାବରେ ଦେଖିବାକୁ ମିଳିଛି ।
ରାଜସ୍ଥାନ ରୟାଲ୍ସ ପକ୍ଷରୁ ପୋଷ୍ଟ ହୋଇଥିବା ଭିଡିଓରେ, ଟିମ୍ର ମୁଖ୍ୟ କୋଚ୍ ରାହୁଲ ଦ୍ରାବିଡ୍ ନୂଆ ଜର୍ସିରେ ନଜର ଆସିଛନ୍ତି । ତାଙ୍କ ବ୍ୟତୀତ ସେନ୍ ଓ୍ବର୍ଣ୍ଣ, ସେନ୍ ଓ୍ବାଟସନ୍, ଷ୍ଟିଭ୍ ସ୍ମିଥ, ଜସ୍ ବଟଲର ଏବଂ ରବିଚନ୍ଦ୍ରନ ଅଶ୍ବିନଙ୍କ ନାଁ ଥିବା ଜର୍ସି ମଧ୍ୟ ଦେଖିବାକୁ ମିଳିଛି । ଗତ ଦୁଇଟି ସିଜିନ୍ରେ ସଂଜୁ ସାମସନ୍ଙ୍କ ନେତୃତ୍ବରେ ରାଜସ୍ଥାନ ରୟାଲ୍ସ ଭଲ ପ୍ରଦର୍ଶନ କରିଥିଲେ ସୁଦ୍ଧା ଟାଇଟଲ୍ ହାସଲ କରିପାରି ନାହିଁ । ରାଜସ୍ଥାନ ରୟାଲ୍ସ ୨୦୦୮ ବା ଆଇପିଏଲର ପ୍ରଥମ ସଂସ୍କରଣରେ ଟ୍ରଫି ହାତେଇଥିଲା । ସେତେବେଳେ ସେନ୍ ଓ୍ବର୍ଣ୍ଣ ଟିମ୍ର ଅଧିନାୟକ ଥିଲେ ।
ରାଜସ୍ଥାନ ରୟାଲ୍ସ ଟିମ୍
ସଂଜୁ ସାମସନ୍ (ଅଧିନାୟକ), ଯଶସ୍ବୀ ଜୟସ୍ବାଲ୍, ଧ୍ରୁବ ଜୁରେଲ୍, ରିୟାନ ପରାଗ, ଶିମରନ୍ ହେଟମାୟର, ଜୋଫ୍ରା ଆର୍ଚର, ମହେଶ ତିକ୍ଷଣା, ଓ୍ବାନିନ୍ଦୁ ହସରଙ୍ଗା, ଆକାଶ ମଢ଼ଓ୍ବାଲ୍, କୁମାର କାର୍ତ୍ତିକେୟ, ନୀତୀଶ ରାଣା, ତୁଷାର ଦେଶପାଣ୍ଡେ, ଶୁଭମ ଦୁବେ, ଯୁଦ୍ଧବୀର ଚରକ, ଫଜଲହକ୍ ଫାରୁକି, କ୍ବେନା ମଫାକା, ଅଶୋକ ଶର୍ମା ଏବଂ ବୈଭବ ସୂର୍ଯ୍ୟବଂଶୀ ।
