ନୂଆଦିଲ୍ଲୀ, ୨୯/୧ : ଅଷ୍ଟ୍ରେଲିଆର ଷ୍ଟାର ବ୍ୟାଟର ଷ୍ଟିଭ୍ ସ୍ମିଥ ୧୦ହଜାର ଟେଷ୍ଟ ରନର ସଂଖ୍ୟା ପାର୍ କରି ନେଇଛନ୍ତି । ଏବେ ଶ୍ରୀଲଙ୍କା ଏବଂ ଅଷ୍ଟ୍ରେଲିଆ ମଧ୍ୟରେ ଦୁଇ ମ୍ୟାଚ ଟେଷ୍ଟ ସିରିଜର ପ୍ରଥମ ମ୍ୟାଚ୍ ଖେଳାଯାଉଛି । ଏହି ସିରିଜ ଲାଗି ଅଷ୍ଟ୍ରେଲିଆ ଟିମ୍ ଶ୍ରୀଲଙ୍କା ଗସ୍ତରେ ଅଛି । ପ୍ରଥମ ଟେଷ୍ଟ ଗାଲେ ଅନ୍ତର୍ଜାତୀୟ ଷ୍ଟାଡିୟମରେ ଖେଳାଯାଉଛି । ଏହି ମ୍ୟାଚରେ ସ୍ମିଥ୍ ୧୦,୦୦୦ରନର ସଂଖ୍ୟା ପାର୍ କରିନେଇଛନ୍ତି । ସ୍ମିଥ୍ ବିରାଟ କୋହଲୀଙ୍କଠାରୁ କମ୍ ପାଳି ଖେଳି ଟେଷ୍ଟରେ ଏକ କୀର୍ତ୍ତିମାନ ଛୁଇଁଛନ୍ତି। ଯାହାକି ବିରାଟ କୋହଲୀ ଏବେ ଏହି ରେକର୍ଡ଼ରୁ ବହୁ ଦୂରରେ ଅଛନ୍ତି ।
ଶ୍ରୀଲଙ୍କା ବିପକ୍ଷ ମ୍ୟାଚରେ ବ୍ୟାଟିଂ କରିବାକୁ ଓହ୍ଲାଇବା ପୂର୍ବରୁ ସ୍ମିଥ ୯,୯୯୯ଟେଷ୍ଟ ରନ୍ କରିନେଇଥିଲେ । ସେ ୧୦ହଜାରର ସଂଖ୍ୟା ପୂରା କରିବାକୁ ମାତ୍ର ୧ରନର ଆବଶ୍ୟକ ଥିଲା । ସ୍ମିଥ୍ ଶ୍ରୀଲଙ୍କା ବିପକ୍ଷ ଟେଷ୍ଟର ପ୍ରଥମ ପାଳିରେ ବ୍ୟାଟିଂ କରିବାକୁ ଯାଇ ନିଜ ପାଳିର ପ୍ରଥମ ବଲରେ ଏକ ରନ୍ ନେଇ ଏହି ସଂଖ୍ୟା ଛୁଇଁଛନ୍ତି ।
ଅଷ୍ଟ୍ରେଲିଆର ସ୍ମିଥ୍ ୧୧୫ଟେଷ୍ଟର ୨୦୫ପାଳିରେ ୧୦,୦୦୦ରନ୍ ପାର କରିସାରିଛନ୍ତି । ସେହିଭଳି ଭାରତର ବିରାଟ କୋହଲୀ ଏବେ ପର୍ଯ୍ୟନ୍ତ ୧୨୩ଟେଷ୍ଟ ଖେଳି ଯାହାଙ୍କ ୨୧୦ପାଳିରେ ସେ ୯୨୩୦ରନ୍ କରିଛନ୍ତି । ଏହି ଭଳି ଭାବେ କୋହଲୀ ଅଧିକ ପାଳି ଖେଳିବା ପରେ ବି ଟେଷ୍ଟରେ ସ୍ମିଥଙ୍କଠାରୁ କମ୍ ରନ୍ କରିଛନ୍ତି ।
