ବାଲେଶ୍ୱର, ୨୬/୭ : ବାଲେଶ୍ଵର ସହରର ବ୍ୟାଙ୍କ୍ କଲୋନୀ ନିକଟରେ ନକଲି ସାର କାରଖାନା ଠାବ। ୧୦୦ ବସ୍ତା ନକଲି ସାର ଜବତ। ଚଢାଉ ବେଳେ ସାର କାରଖାନାର ମାଲିକ ଫେରାର୍।
ସୂଚନାନୁଯାୟୀ, ବାଲେଶ୍ଵର ସହରର ବ୍ୟାଙ୍କ୍ କଲୋନୀ ନିକଟରେ ନକଲି ସାର କାରଖାନା ଠାବ କରାଯାଇଛି। ସେଠାରେ ଦୀର୍ଘ ଦିନ ଧରି ନକଲି ପଟାସ ସାର ତିଆରି ହେଉଥିଲା। ଏନେଇ ଅଭିଯୋଗ ଆସିବା ପରେ ଶୁକ୍ରବାର ଘଟଣା ସ୍ଥଳରେ କୃଷି ବିଭାଗ, ସହଦେବଖୁଣ୍ଟା ପୋଲିସ, ସଦର ତହସିଲଦାରଙ୍କ ନେତୃତ୍ୱରେ ଏକ ଟିମ୍ ଚଢାଉ କରିଥିଲେ। ପଟାସ୍ ସାର ତିଆରିରେ ବ୍ୟବହୃତ ଲୁଣ, ସାର ସହ ନକଲି ୧୦୦ ବସ୍ତା ନକଲି ସାର, ପିକଅପକୁ ସିଲ କରିଥିଲେ। ତେବେ କାରଖାନାର ମାଲିକ ସରୋଜ ହାଜରା ଫେରାର ହୋଇଯାଇଛନ୍ତି। ପୁଲିସ ପକ୍ଷରୁ ଅଧିକ ତଦନ୍ତ ଜାରି ରହିଛି।