ନୂଆଦିଲ୍ଲୀ : ମୁଖ୍ୟ ବିରୋଧୀ ଦଳ କଂଗ୍ରେସ କହିଛି ଯେ, ସେ ଆତଙ୍କୀଙ୍କ ବିରୋଧରେ ସରକାରଙ୍କ ପ୍ରତି ପଦକ୍ଷେପ ସହ ଅଛି। ସରକାରଙ୍କ ଦ୍ୱାରା ଡ଼କାଯାଇ ଥିବା ସର୍ବଦଳୀୟ ବୈଠକ ପରେ ଲୋକସଭାରେ ବିରୋଧୀ ନେତା ରାହୁଲ ଗାନ୍ଧୀ କହିଛନ୍ତି ଯେ, ତାଙ୍କ ଦଳ କେନ୍ଦ୍ର ସରକାରଙ୍କ ଦ୍ୱାରା ନିଆଯାଇ ଥିବା ସବୁ ପଦକ୍ଷେପ ଓ ସବୁ ପ୍ରକାରର ଆକ୍ସନର ସମର୍ଥନ କରୁଛି। ସେ କହିଛନ୍ତି ,ସର୍ବଦଳୀୟ ବୈଠକରେ ସବୁ ପହଲଗାମ ଆତଙ୍କୀ ହମଲାର ନିନ୍ଦା କରୁଛୁ । ବିପକ୍ଷ ସରକାରଙ୍କୁ କୌଣସି ବି କାର୍ଯ୍ୟାନୁଷ୍ଠାନ ନେବାରେ ପୂରା ସମର୍ଥନ ଦେଉଛୁ।
କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ କହିଛନ୍ତି , ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଏହି ବୈଠକର ଅଧ୍ୟକ୍ଷତା କରିଥିଲେ , କେନ୍ଦ୍ରୀୟ ଗୃହମନ୍ତ୍ରୀ ଅମିତ ଶାହ ମଧ୍ୟ ବୈଠକରେ ଉପସ୍ଥିତ ଥିଲେ। ସବୁ ଦଳ ପହଲଗାମ ଆତଙ୍କୀ ହମଲାର ନିନ୍ଦା କରିଛନ୍ତି। ଆମେ କହିଛୁ କି , ଜମ୍ମୁ-କାଶ୍ମୀରରେ ଶାନ୍ତି ବଜାୟ ରଖିବା ପାଇଁ ଯଥା ସମ୍ଭବ ଚେଷ୍ଟା କରାଯିବା ଉଚିତ୍। ଆପ୍ ନେତା ସଞ୍ଜୟ ସିଂହ କହିଛନ୍ତି ଯେ , ସବୁ ଦଳ ଗୁଡ଼ିକର ସରକାରଙ୍କୁ ଆତଙ୍କବାଦୀ ଠିକଣାକୁ ନଷ୍ଟ କରିବାକୁ କାର୍ଯ୍ୟାନୁଷ୍ଠାନ ନେବାକୁ ଦାବି କରିଛନ୍ତି।
ତୃଣମୂଳ କଂଗ୍ରେସର ସୁଦୀପ ବନ୍ଦ୍ୟୋପାଧ୍ୟାୟ କହିଛନ୍ତି ଯେ, ଏହି ବୈଠକରେ ସୁରକ୍ଷା ଅବହେଳା ନେଇ ମଧ୍ୟ ଆଲୋଚନା ହୋଇଥିଲା। ସେ କହିଛନ୍ତି ଆତଙ୍କବାଦ ସହ ଲଢିବା ପାଇଁ ସବୁ ଦଳ ସରକାରଙ୍କ ସହ ଅଛନ୍ତି। କେନ୍ଦ୍ରୀ ମନ୍ତ୍ରୀ କିରେଣ ରିଜିଜୁ କହିଛନ୍ତି କି ସରକାର ସବୁ ଦଳର ନେତାଙ୍କୁ ଆତଙ୍କବାଦ ବିରୋଧରେ ଉଚିତ୍ କାର୍ଯ୍ୟାନୁଷ୍ଠାନର ଆଶ୍ୱାସନା ଦେଇଛନ୍ତି।
କହି ରଖୁଛୁ କି , ସରକାରଙ୍କ ପକ୍ଷରୁ ସବୁ ରାଜନୀତିକ ଦଳକୁ ପହଲଗାମ ହମଲା ସମ୍ୱନ୍ଧରେ ବିସ୍ତୃତ ଭାବ ସୂଚନା ଦେବା ପାଇଁ ସର୍ବଦଳୀୟ ବୈଠକ ଡ଼କାଯାଇ ଥିଲା। ଏହି ବୈଠକ ପାଖାପାଖି ୨ଘଣ୍ଟା ଧରି ଅନୁଷ୍ଠିତ ହୋଇଥିଲା।
