ଭୁବନେଶ୍ବର,୧୯।୯: ଆଇଟିଇଆର କଲେଜରେ ଜଣେ ଛାତ୍ରଙ୍କ ମୃତ୍ୟୁ ଘଟଣାରେ କିଛି ଗୁଜବକାରୀଙ୍କ ବିଭ୍ରାନ୍ତିକର ଖବର ନେଇ ତୀବ୍ର  ପ୍ରତିକ୍ରିୟା ପ୍ରକାଶ ପାଇଛି। ବିଭ୍ରାନ୍ତକାରୀମାନେ  ବିଭିନ୍ନ ମାଧ୍ୟମରେ  ସମ୍ପୂର୍ଣ୍ଣ ମିଛ, ଭିତ୍ତିହୀନ, ମନଗଢା କଥାମାନ ଲେଖି ଅନୁଷ୍ଠାନକୁ କ୍ଷତି ପହଁଞ୍ଚାଉଥିବା ବୁଝାପଡୁଛି। ତେବେ ଏହାକୁ ଆଇଟିଆରର ଛାତ୍ରଛାତ୍ରୀ ନାପସନ୍ଦ କରୁଥିବା ସ୍ପଷ୍ଟ । ମୃତ ଛାତ୍ରଙ୍କ ପରିବାର ପ୍ରତି ଆଇଟିଆର ଛାତ୍ରଛାତ୍ରୀ ସେମାନଙ୍କର  ସମବେଦନା  ଜଣାଇବା ବେଳେ  କୁହନ୍ତି, ଛାତ୍ରଛାତ୍ରୀ ଭାବେ ଆମେ ଆମର ଜଣେ ସାଥିଙ୍କ ମୃତ୍ୟୁରେ ମର୍ମାହତ ଓ ଦୁଃଖିତ । ଏହି ଦୁଃଖଦ ସମୟରେ ଆମେ ଆମର ପ୍ରିୟ ସାଥୀର ସ୍ମୃତି ଚାରଣ କରିବା ସହ ତାଙ୍କ ପରିବାରକୁ ସମ୍ମାନ ଦେବା ଆବଶ୍ୟକ ମନେକରୁଛୁ । କିନ୍ତୁ ଦୁର୍ଭାଗ୍ୟ ବଶତଃ ଆମ ସାଥି ଜଣଙ୍କର ମୃତ୍ୟୁ ନେଇ ଯେଭଳି ଭାବେ କିଛି ମିଛ ଓ ମନଗଢା ଖବର ସାମ୍ନାକୁ ଆସୁଛି ତାହା ଆମ ସମସ୍ତଙ୍କୁ ବହୁତ ବାଧୁଛି ବିଶେଷକରି ଯେଉଁମାନେ ସେହି  ସାଥିଙ୍କ ସହ ପରିଚିତ ଥିଲେ ସେମାନେ ଅଧିକ ଭାଙ୍ଗିପଡୁଛନ୍ତି । ଏଥି ସହିତ ଛାତ୍ରଛାତ୍ରୀଙ୍କ ଦାବି ହେଲା, ‘ ଆମେ ଚାହୁଁଛୁ ଏସବୁ ମିଛ ଓ ମନଗଢା ଖବର ଉପରୁ ପରଦା ହଟୁ ଏବଂ କାହାର ବିନା ହସ୍ତକ୍ଷେପରେ ନିରପେକ୍ଷ ତଦନ୍ତ ହେଉ।’  

ପ୍ରଥମ ମିଛ : ମନଗଢା ଖବର ହେଉଛି ଯେ ଏହି ବିଷୟରେ କୌଣସି ତଦନ୍ତ ହେଉନାହିଁ।

କିନ୍ତୁ ପ୍ରକୃତ ସତ କଥା ହେଲା,

ଘଟଣା ଘଟିବା ପରେ ହିଁ ତଦନ୍ତ ପ୍ରକ୍ରିୟା ଆରମ୍ଭ ହୋଇଯାଇଥିଲା ଏବଂ ଏବେ ବି ତଦନ୍ତ ଠିକ୍ ଦିଗରେ ଚାଲିଛି । ଆମର ପ୍ରାଥମିକତା ହେଉଛି କାହାର ଭାବାବେଗକୁ କୁଠାରାଘାତ ନକରି ସତ କଥା କଣ ତାହା ସାମ୍ନାକୁ ଆସୁ । 

ଦ୍ବିତୀୟ ମିଛ: ମନଗଢା ଖବର ହେଉଛି ଯେ ରାଗିଙ୍ଗ ପାଇଁ ଛାତ୍ର ଜଣଙ୍କ ଜୀବନ ହାରିଛନ୍ତି ।

 କିନ୍ତୁ ସତ କଥା ହେଲା:

ଯେତେହୁ ଏବେ ତଦନ୍ତ ଚାଲିଛି ଏବଂ ତଦନ୍ତ ରିପୋର୍ଟ ନଆସିବା ଯାଏ ଏହା ଉପରେ ମନ୍ତବ୍ୟ ଦେବା ଠିକ୍ ନୁହେଁ କିନ୍ତୁ ଆମ ଶିକ୍ଷାନୁଷ୍ଠାନର ଏକ ଶଶକ୍ତ ରାଗିଙ୍ଗ ବିରୋଧି ପଲିସି ରହିଛି । ନିକଟ ଅତିତରେ ରାଗିଂ ନେଇ କୌଣସି ଅଭିଯୋଗ ମଧ୍ୟ ରିପୋର୍ଟ ହୋଇନାହିଁ । ଛାତ୍ରଙ୍କ ସୁରକ୍ଷା ଏବଂ ରାଗିଙ୍ଗ ମୁକ୍ତ କ୍ଯାମ୍ପସ ପାଇଁ ଆମେ ପ୍ରଥମବର୍ଷ ପିଲାଙ୍କ ପାଇଁ ସ୍ବତନ୍ତ୍ର ହଷ୍ଟେଲ ବ୍ୟବସ୍ଥା କରିଛୁ ଯେଉଁଠି କେବଳ ପ୍ରଥମବର୍ଷ ଛାତ୍ର ହିଁ ରହିପାରିବେ । BH 7 ହଷ୍ଟେଲରେ ରହୁଥିବା କୌଣସି ଛାତ୍ରଙ୍କ ଠାରୁ ରାଗିଙ୍ଗ ନେଇ କିଛି ବି ଅଭିଯୋଗ ଆସିନାହିଁ । 

‘ଏହାସହ ଆଉକିଛି ଗୁରୁତ୍ବପୂର୍ଣ ପ୍ରସଙ୍ଗରେ ଆମେ ସ୍ପଷ୍ଟ କରିବାକୁ ଚାହୁଁଛୁ କି ଆମ କ୍ୟାମ୍ପସରେ ରିତିମତ ଆମ୍ବୁଲାନ୍ସ ଯିବା ଆସିବା କରେ ଏବଂ ପ୍ରତିଦିନ ଅନେକଥର ଆମ୍ବୁଲାନ୍ସ ଯାଏ ଯାହାକି କିଛିଟା ଦ୍ବନ୍ଦ ସୃଷ୍ଟି କରିଥାଇ ପାରେ । ଏବଂ ଆମକୁ ମିଳିଥିବା ସୂଚନା ଅନୁସାରେ ଛାତ୍ର ଜଣଙ୍କ ୧୩ ତାରିଖ ଦିନ ତାର ସାଙ୍ଗ ମାନଙ୍କ ସହ ସକାଳ ଜଳଖିଆ ଖାଇଥିଲେ ଏବଂ ସେ ସେମାନଙ୍କ ସହ ବାହାରକୁ ଯିବାକୁ ମନାକରିଦେଇଥିଲେ । ତେଣୁ ତାପୂର୍ବଦିନ ଅର୍ଥାତ ୧୨ ତାରିଖ ଦିନ ଏନେଇ କିଛି ଘଟଣା ଘଟିଥିବା ଖବର ପୁରାପୁରି ମିଛ ।  ତେଣୁ ଆମେ ଛାତ୍ରଙ୍କ ପରିବାର ଓ ସମାଜର ସମସ୍ତ ବ୍ୟକ୍ତିଙ୍କୁ ଅନୁରୋଧ କରୁଛୁ କି ସେମାନେ ଧର୍ଯ୍ୟର ସହ ଏହି ଘଟଣାର ତଦନ୍ତ ରିପୋର୍ଟକୁ ଅପେକ୍ଷା କରନ୍ତୁ । ଏବଂ ଆମେ ସମସ୍ତେ ଏକାଠି ଛାତ୍ରଙ୍କ ସ୍ମୃତିକୁ ଶ୍ରଦ୍ଧାଞ୍ଜଳି ଦେବା ସହ ପ୍ରକୃତ ସତ୍ୟ କିଭଳି ସାମ୍ନାକୁ ଆସିବ  ତାକୁ ଅପେକ୍ଷା କରିବା ।’ 

ପ୍ରକାଶ ଯୋଗ୍ୟଯେ,  ଏହି ଘଟଣାରେ ମିଛ ଓ କପୋଳକଳ୍ପିତ କାହାଣି ଛାତ୍ରଙ୍କ ଉପରେ ଖରାପ ପ୍ରଭାବ ପକାଉଛି ବିଶେଷକରି ଶେଷ ବର୍ଷ ଛାତ୍ରମାନଙ୍କ ଉପରେ ଯେଉଁମାନଙ୍କର ଏବେ ପ୍ଲେସମେଣ୍ଟ ଚାଲିଛି । ତେଣୁ  ମିଥ୍ୟା ଓ ବିଭ୍ରାନ୍ତିକର ଖବର  ପ୍ରଚାର କରୁଥିବା ସ୍ବାର୍ଥନ୍ବେଷୀଙ୍କ ଚକ୍ରାନ୍ତରୁ ସମସ୍ତେ ଦୂରେଇ  ରହିବା ଦରକାର। ସତ ନିଶ୍ଚୟ ପ୍ରମାଣିତ ହେବ।