ନୂଆଦିଲ୍ଲୀ,୦୪/୦୧: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି (ଶନିବାର) ଭାରତ ମଣ୍ଡପମରେ ଗ୍ରାମୀଣ ଭାରତ ମହୋତ୍ସବ ୨୦୨୫ର ଉଦଘାଟନ କରିବେ । ଏହି ମହୋତ୍ସବ ୪ରୁ ୯ ତାରିଖ ଯାଏ ଚାଲିବ । ଏହି ଅବସରରେ ପ୍ରଧାନମନ୍ତ୍ରୀ ଭାରତର ମଣ୍ଡପମରେ ଏକ ଜନସଭାକୁ ସମ୍ବୋଧନ କରିବେ । ଏହି ମହୋତ୍ସବ ବିକଶିତ ଭାରତ ୨୦୪୭ ପାଇଁ ଏକ ସୃଦୁଢ ଗ୍ରାମୀଣ ଭାରତ ନିର୍ମାଣ କରିବା ଥିମ ଉପରେ ଆଧାରିତ ରହିଛି ।
ପ୍ରଧାନମନ୍ତ୍ରୀ ମନ୍ତ୍ରଣାଳୟ ପକ୍ଷରୁ କହୁଯାଇଛି କି, ଆଜି (ଶନିବାର) ପୂର୍ବାହ୍ନ ୧୦ଟା୩୦ରେ ଦିଲ୍ଲୀ ଭାରତ ମଣ୍ଡପମରେ ଗ୍ରାମୀଣ ଭାରତ ମହୋତ୍ସବ ୨୦୨୫ର ଉଦଘାଟନ କରିବେ । ଏହି ଅବସରରେ ଏକ ଜନସଭାକୁ ସମ୍ବୋଧନ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
ଗାଁ ବଢିବ ତ ଦେଶ ବଢିବ-ପିଏମଓ ତାର ବିବୃତ୍ତିରେ କହିଛି କି, ଏହି ମହୋତ୍ସବର ଉଦ୍ଦେଶ୍ୟ ଗ୍ରାମୀଣ ଭାରତର ଉଦ୍ୟମଶୀଳତା ଭାବନା ଏବଂ ସାଂସ୍କୃତିକ ଐତିହ୍ୟର ଉତ୍ସବ ମନାଇବ । ଯାହା ବିକଶିତ ଭାରତ ୨୦୨୭ ପାଇଁ ସମାବେଶୀ ଗ୍ରାମୀଣ ଭାରତ ନିର୍ମାଣ କରିବା ବିଷୟ ବସ୍ତୁ ଉପରେ ଆଧାରିତ ହେବ । ଯାହାର ମୋଟ ରହିଛି 'ଗାଁ ବଢିବ ତ ଦେଶ ବଢିବ' । ଏହି ମହୋତ୍ସବ ଜାନୁଆରୀ ୯ ତାରିଖ ଯାଏ ଚାଲିବ ।
ମହୋତ୍ସବର ଉଦ୍ଦେଶ୍ୟ ବିଭିନ୍ନ ଆଲୋଚନା, କର୍ମଶାଳା ଓ ମାଷ୍ଟରକ୍ଲାସ ମାଧ୍ୟମରେ ଗ୍ରାମୀଣ ଜିନିଷକୁ ପ୍ରୋତ୍ସାହିତ କରିବା । ଆତ୍ମନିର୍ଭର ଅର୍ଥ ବ୍ୟବସ୍ଥା ନିର୍ମାଣ କରିବ ଏବଂ ଗ୍ରାମୀଣ ସମୁଦାୟଙ୍କୁ ପ୍ରୋତ୍ସାହନ ଦେବା । ମହୋତ୍ସବର ଉଦ୍ଦେଶ୍ୟ ଗ୍ରାମୀଣ ମହିଳାଙ୍କୁ ସଶକ୍ତ କରିବା, ସରକାରୀ ଅଧିକାରୀ ଏବଂ ଗ୍ରାମୀଣ ଉଦ୍ଦ୍ୟୋଗଙ୍କୁ ଏକାସଙ୍ଗରେ ଆଣିବା ।
