ନୂଆଦିଲ୍ଲୀ,୦୪/୦୧: ବର୍ଷ ୨୦୨୫ ଆରମ୍ଭରେ ଗ୍ରାମୀଣ ଭାରତ ମହୋତ୍ସବର ଏହି ଭବ୍ୟ ଆୟୋଜନ ବିକାଶ ଯାତ୍ରାର ପରିଚୟ ହୋଇଛି । ଭାରତରେ ଗାଁର ଶକ୍ତି କଣ ସମସ୍ତଙ୍କୁ ଜଣା । ଗାଁ ସମସ୍ତଙ୍କ ହୃଦୟରେ ରହିଛି । ଗାଁ ସମସ୍ୟା ସହ ମୁଁ ବଞ୍ଚିଛି ଓ ସମ୍ଭାବନାକୁ ଜାଣିଛି । ଗାଁ ଲୋକ ବହୁତ ପରିଶ୍ରମ କରନ୍ତି ମାତ୍ର ପୁଞ୍ଜି ଅଭାବରୁ ଆବଶ୍ୟକୀୟ ଅବସର ମିଳେନାହିଁ । ଗାଁ ଲୋକଙ୍କ ମଧ୍ୟରେ ବିବିଧତାପୂର୍ଣ୍ଣ ସାମର୍ଥ୍ୟ ରହିଛି । ମାତ୍ର ପ୍ରାକୃତିକ ବିପର୍ଯ୍ୟୟରେ ସବୁ କିଛି ଶେଷ ହୋଇଯାଏ । ଭାରତ ମଣ୍ଡପମରେ ଗ୍ରାମୀଣ ଭାରତ ମହୋତ୍ସବ ୨୦୨୫ର ଉଦଘାଟନ କରି ଏହା କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
ଗାଁ ଲୋକଙ୍କ ସମସ୍ୟାକୁ ନିକଟରୁ ଦେଖି ଥିବାରୁ ଗାଁ ଗରିବଙ୍କ ସମସ୍ୟା ସମାଧାନ କରିବାକୁ ସଂକଳ୍ପ ନେଇଥିଲି । ଦେଶର ଗ୍ରାମାଞ୍ଚଳରେ ଯେଉଁ ସବୁ କାମ ହେଉଛି ସେଥିରେ ଗାଁ ଲୋକଙ୍କ ଭୂମିକା ରହିଛି । ୨୦୧୪ରୁ ଗ୍ରାମୀଣ ଭାରତର ସେବାରେ ଲାଗିଛି । ସେମାନଙ୍କୁ ଗରିମାପୂର୍ଣ୍ଣ ସହଜ ଜୀବନ ଦେବା ସରକାରଙ୍କ ପ୍ରାଥମିକତା । ଗାଁ ଲୋକ ସଶକ୍ତ ହୁଅନ୍ତୁ ସେମାନଙ୍କୁ ଗାଁରେ ଆଗକୁ ବଢିବାକୁ ଅବସର ମିଳୁ ସେମାନଙ୍କ ଜୀବନ ସହଜ ହେଉ ଏହା ଆମ ଭିଜନ । ସ୍ବଚ୍ଛ ଭାରତ ଅଭିଯାନରେ ଘରେ ଘରେ ଶୌଚାଳୟ, ପିଏମ ଆବାସ ଯୋଜନାରେ ପକ୍କା ଘର, ଜଳ ଜୀବନ ମିଶନରେ ବିଶୁଦ୍ଧ ପନୀୟ ଜଳ ଯୋଗାଇ ଦେଇଛୁ । ଗ୍ରାମୀଣ ଭାରତର ଏହି ମହୋତ୍ସବ ଗାଁ ଗାଁରେ ପହଞ୍ଚୁ । ଗାଁ ସଶକ୍ତ ହେଉ ବୋଲି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
#WATCH | Delhi: At Grameen Bharat Mahotsav 2025, Prime Minister Narendra Modi, says "At the beginning of the year 2025, this grand event of Grameen Bharat Mahotsav is introducing India's development journey. It is creating an identity. I congratulate NABARD and other colleagues… pic.twitter.com/F4musOMHvi
— ANI (@ANI) January 4, 2025
ଗ୍ରାମୀଣ ଭାରତ ମହୋତ୍ସବ ଉଦଘାଟନ ଅବସରରେ ପ୍ରଧାନମନ୍ତ୍ରୀ କହିଛନ୍ତି, ଗ୍ରାମୀଣ ଅର୍ଥବ୍ୟବସ୍ଥାକୁ ମଜବୁତ କରିବାକୁ ହେଲେ ସବୁ ବର୍ଗର ଲୋକଙ୍କୁ ଫୋକସରେ ରଖିବାକୁ ପଡିବ । ଗାଁ ଲୋକଙ୍କ ଖର୍ଚ୍ଚ କରିବାର କ୍ଷମତା ପୂର୍ବାପେକ୍ଷା ୩ ଗୁଣ ବଢିଛି । ଲୋକ ନିଜ ଜୀବନକୁ ଉନ୍ନତମାନର କରିବା ପାଇଁ ଚେଷ୍ଟିତ । ଆଗ ଅପେକ୍ଷା ଅଧିକ ଖର୍ଚ୍ଚ କରୁଛନ୍ତି । ସହରାଞ୍ଚାଳ ଅପେକ୍ଷା ଗ୍ରାମାଞ୍ଚଳରେ ଖର୍ଚ୍ଚ ବଢିଛି । ଏହା ଅର୍ଥ ଲୋକ ସେମାନଙ୍କ ଆବଶ୍ୟକତାର ଜିନିଷ କିଣୁଛନ୍ତି । ସହର ଅପେକ୍ଷା ଗାଁ ଲୋକ ଖର୍ଚ୍ଚ ଅଧିକ କରୁଥିବା ସର୍ଭେରୁ ଜଣାପଡିଛି । ଗାଁରେ ସଫଳତାର ଅନେକ ଗାଥା ରହିଛି ଯାହା ଆମକୁ ପ୍ରେରଣା ଦେଉଛି । ଗାଁର ବିକାଶରେ ରାଷ୍ଟ୍ରର ବିକାଶ ମନ୍ତ୍ରକୁ ନେଇ ଆଗକୁ ବଢୁଛୁ । ଗାଁରେ ଗରିବୀ କମିଛି ।
#WATCH | Delhi: At Grameen Bharat Mahotsav 2025, Prime Minister Narendra Modi, says "One more important thing has come to light in a survey. According to the survey, the difference in consumption between cities and villages has reduced...Now, slowly, villagers have also started… pic.twitter.com/ix3w6vvlh6
— ANI (@ANI) January 4, 2025
ପୂର୍ବ ସରକାରଙ୍କୁ ଟାର୍ଗେଟ- ବର୍ତ୍ତମାନ ଗାଁରେ ଯେଉଁ ବିକାଶ ହୋଇଛି ତାହା ପୂର୍ବ ସରକାରରେ ମଧ୍ୟ ହୋଇପାରିଥାନ୍ତା । ହେଲେ ସେମାନଙ୍କୁ ମୋଦିର ଅପେକ୍ଷା ଥିଲା କି । ସ୍ବାଧୀନତା ପରେ ଦେଶର ଲକ୍ଷ ଲକ୍ଷ ଗାଁ ମୌଳିକ ଅଧିକାରରୁ ବଞ୍ଚିତ ରହିଛନ୍ତି । ଦେଶରେ ସର୍ବାଧିକ ଏସଏସି, ଏସଟି ଓ ଓବିସି ଲୋକ ଗାଁରେ ରହିଥାନ୍ତି । ପୂର୍ବ ସରକାର ସେମାନଙ୍କ ଆବଶ୍ୟକତାକୁ ଧ୍ୟାନ ଦେଇନାହିଁ । ସୀମା ନିକଟ ଗାଁକୁ ଦେଶର ଶେଷ ଗାଁ କୁହାଯାଉଥିଲା । ସୂର୍ଯ୍ୟର ପ୍ରଥମ କିରଣ ସେହି ଗାଁରେ ପଡିଥାଏ । ଆମ ପାଇଁ ସେ ଶେଷ ନୁହେଁ ପ୍ରଥମ ଗାଁ । ସୀମାନ୍ତ ଗାଁର ବିକାଶ ପାଇଁ ଭାଇବ୍ରାଣ୍ଟ ଭିଲେଜ ସ୍କିମ ହୋଇଛି ଯାହା ସେମାନଙ୍କ ଆୟ ବଢାଇଛି । ଅର୍ଥାତ ଯେଉଁମାନଙ୍କୁ କେହି ପଚାରିଲେ ନାହିଁ ସେମାନଙ୍କୁ ମୋଦି ପୂଜା କରିଛି ।
