ମାହାଙ୍ଗା,୨୨।୭ : ବାପାଙ୍କୁ ଆଣିବାକୁ ଘରକୁ ଯାଉଥିଲେ, କେନାଲରେ କାର ବୁଡିଯିବାରୁ ପୁଅର ଚାଲିଗଲା ଜୀବନ । ଏଭଳି ଘଟଣା ଘଟିଛି। ମୃତକ ଜଣକ ହେଲେ ମାହାଙ୍ଗା ଥାନା ଅନ୍ତର୍ଗତ ଯଇପୁର ଫାଣ୍ଡି ଅଧୀନ ସାହାପୁର ଗ୍ରାମ ପଂଚାୟତ ଅରିଲୋ ଗ୍ରାମ ର ଅନିଲ କୁମାର ରାଉତ ।
ମାହାଙ୍ଗା ଥାନା ଅନ୍ତର୍ଗତ ଯଇପୁର ଫାଣ୍ଡି ଅଧୀନ ସାହାପୁର ଗ୍ରାମ ପଂଚାୟତ ଅରିଲୋ ଗ୍ରାମର ବ୍ରହ୍ମା ନନ୍ଦ ରାଉତଙ୍କ ସାନ ପୁଅ ଅନିଲ କୁମାର ରାଉତ (୪୯) ତାଙ୍କ ନିଜ କାର (ନଂ.ଓଡି୦୨ସିବି୮୧୩୬)ରେ ଭୁବନେଶ୍ୱରରୁ ତାଙ୍କ ବାପାଙ୍କୁ ନେବା ପାଇଁ ଘର ଅଭିମୁଖେ ଯାଉଥିଲେ। ଭେଡା ଠାରେ ଭାରସାମ୍ୟ ହରାଇ ପଟାମୁଣ୍ଡାଇ କେନାଲ ମଧ୍ୟକୁ କାରଟି ଖସି ପଡିଥିଲା। ଘଟଣ ସ୍ଥଳରେ କୁଆଁପାଳ ଅଗ୍ନିଶମ ବାହିନୀ ପହଞ୍ଚି ଅନିଲଙ୍କୁ ଉଦ୍ଧାର କରି ମାହାଙ୍ଗା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ ।ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି ।