ବାରିପଦା ୩୦/୦୯: ବାରିପଦା ନିକଟସ୍ଥ ଛାଞ୍ଚ ଅଞ୍ଚଳରେ ଅଗ୍ନିକାଣ୍ଡ। ବହୁ ଦିନରୁ ବନ୍ଦ ପଡିଥିବା ପୁରୁଣା ପଲିଥିନ ଫ୍ୟାକ୍ଟ୍ରିରେ ଲାଗିଛି ନିଆଁ। ଗ୍ୟାସ୍ ଟାଙ୍କି ଫାଟି ଅଗ୍ନିକାଣ୍ଡ ଘଟିଥିବା ଜଣାପଡିଛି। ଘଟଣାସ୍ଥଳରେ ବାରିପଦା ଅଗ୍ନିଶମ ବିଭାଗ ପହଞ୍ଚି ନିଆଁକୁ ଆୟତ କରିଛି।
ସୂଚନା ମୁତାବକ, ବାରିପଦା ୨୮ ନମ୍ବର ୱାର୍ଡରେ ପ୍ରାୟ ୪ ବର୍ଷ ଧରି ବନ୍ଦ ପଡିଥିବା ଏକ ପୋଲିଫ୍ଲେକ୍ସ ଫ୍ୟାକ୍ଟ୍ରିକୁ ପୁନରୁଦ୍ଧାର କରିବା ଲାଗି ଲୋକେ କାମ କରୁଥିଲେ। ଗ୍ୟାସ୍ କଟର ଦ୍ଵାରା ପୁରୁଣା ଯନ୍ତ୍ରପାତି କାଟିବା ବେଳେ ସେଠାରେ ଥିବା ଛପାକାଳି ଓ ଅନ୍ୟାନ୍ୟ କେମିକାଲରେ ହଠାତ୍ ନିଆଁ ଲାଗି ଯାଇଥିଲା। ଏନେଇ ଅଗ୍ନିଶମ ବାହିନୀ ଖବର ଦିଆଯାଇଥିଲା। ସୂଚନା ମିଳିବା ପରେ ଅଗ୍ନିଶମ ବିଭାଗର ଗୋଟିଏ ଦମକଳ ଗାଡି ଆସି ନିଆଁକୁ ଆୟତ୍ତ କରିଥିବା ଜଣାପଡିଛି। ଫ୍ୟାକ୍ଟ୍ରି ଭିତରେ ଥିବା ଯନ୍ତ୍ରପାତି ଓ ଅନ୍ୟାନ୍ୟ ପ୍ରାୟ ସମସ୍ତ ସାମଗ୍ରୀ ପୋଡ଼ି ଯାଇଛି। ତେବେ କ୍ଷୟକ୍ଷତିର ପରିମାଣ ପ୍ରାୟ ୫୦ ଲକ୍ଷରୁ ଅଧିକ ହେବ ବୋଲି ଜଣାପଡିଛି।