ନୀଳଗିରି, ୨୨/୧୨:- ଛତିଶଗଡ଼ ରାଜ୍ୟରେ ଥିବା ରାଜକୁମାର ମହାବିଦ୍ୟାଳୟଟି ୧୮୮୨ ମସିହାରେ ପ୍ରତିଷ୍ଠା ହୋଇଥିଲା। ଯେଉଁଠି ରାଜା ମହାରାଜାମାନେ ପାଠ ପଢ଼ୁଥିଲେ ସେହି ମହାବିଦ୍ୟାଳୟରେ ନୀଳଗିରି ଇ-ଲାଇବ୍ରେରୀ ଖୋଲାଯାଇଛି। ପଦ୍ମଶ୍ରୀ ରାଜକୁମାରୀ ଅଶ୍ୱତୀ ତିରୁନାଲ ଗୌରୀ ଲକ୍ଷ୍ମୀ ବାଇଙ୍କ ଦ୍ୱାରା ଏହା ଉଦଘାଟନ ହୋଇଛି।
ଏହି ଅବସରରେ ରାଜକୁମାର କଲେଜର ସଭାପତି, ଚେୟାରମ୍ୟାନ, କଲେଜ ପରିଚାଳନା କମିଟିର ସମସ୍ତ ସଦସ୍ଯ ସମେତ କର୍ମଚାରି ମାନେ ଉପସ୍ଥିତ ରହିଥିବାବେଳେ ବାଲେଶ୍ବର ନୀଳଗିରି ରାଜାସାହେବ ଜୟନ୍ତ ଚନ୍ଦ୍ର ମର୍ଦ୍ଦରାଜ ହରିଚନ୍ଦନ, ରାଣିସାହେବା ମନୋଜାମଞ୍ଜରୀ ମର୍ଦ୍ଦରାଜ ହରିଚନ୍ଦନ ସମେତ ନୀଳଗିରି ରାଜପରିବାର ଅନେକ ସଦସ୍ଯ ଉପସ୍ଥିତ ଥିଲେ।
ସୂଚନା ଯେ, ନୀଳଗିରିର ଐତିହ୍ୟ, ଇତିହାସ, ରାଜାଶାସନ ତଥା ଭାରତ ଓ ବିଶ୍ବର ବିଭିନ୍ନ ପ୍ରସଙ୍ଗ ଓ କଥା ଏହି ନୀଳଗିରି ଇ-ଲାଇବ୍ରେରୀରେ ସାମିଲ କରାଯିବ ବୋଲି କୁହାଯାଇଛି। ଏହା ନୀଳଗିରି ଗଡଜାତ ମାଟି ପାଇଁ ଗୈରବର ବିଷୟ ବୋଲି ସାଧାରଣରେ ଚର୍ଚ୍ଚା ହେଉଛି।
