ନିଳଗିରି,୨୧/୧୨:ଉତ୍ତର ଓଡ଼ିଶାର ପ୍ରସିଦ୍ଧ ଶୈବପୀଠ ବାବା ପଂଚଲିଙ୍ଗେଶ୍ୱର ଦର୍ଶନ କରି ଫେରିବା ବେଳେ ଜଣେ ବଙ୍ଗୀୟ ପର୍ଯ୍ୟଟକଙ୍କ ମୃତ୍ୟୁ ହୋଇଛି। ମୃତ ପର୍ଯ୍ୟଟକ ଜଣକ ହେଲେ ଛାୟା ରଣା ।
ଶନିବାର ସନ୍ଧ୍ୟାରେ ପଶ୍ଚିମବଙ୍ଗ ରୁ ଏକ ପର୍ଯ୍ୟଟକ ଦଳ ପଞ୍ଚଲିଙ୍ଗେଶ୍ଵର ଦର୍ଶନ କରି ଘରକୁ ବସରେ ଫେରୁଥିଲେ। ପଶ୍ଚିମବଙ୍ଗ ମେଦିନାପୁର ଜିଲ୍ଲା କୋତାଲି ଥାନା ଅନ୍ତର୍ଗତ ଖଡଗପୁର ଗ୍ରାମର ଛାୟା ରଣା (୬୨) ହଠାତ୍ ଅସୁସ୍ଥ ଅନୁଭବ କରି ଅଚେତ ହୋଇ ପଡ଼ିଥିଲେ। ବସରେ ଥିବା ପରିବାର ଲୋକେ ସଙ୍ଗେ ସଙ୍ଗେ ଏକ ଅଟୋରେ ନିଳଗିରି ମେଡିକାଲ ଆଣିଥିଲେ।ଡାକ୍ତର ମହିଳାଙ୍କୁ ମୃତ ଘୋଷଣା କରିଥିଲେ। ଖବର ପାଇ ନିଳଗିରି ପୋଲିସ ମେଡିକାଲରେ ପହଞ୍ଚି ତଦନ୍ତ ଜାରି ରଖିଛନ୍ତି।
