କଟକ: କଟକର ଜଣେ ଯୁବତୀଙ୍କୁ ଵ୍ଲାକମେଲ କରିଵା ଏବଂ ସମ୍ପୃକ୍ତ ଯୁଵତୀ ଆତ୍ମହତ୍ୟା କରିଵା ଘଟଣାରେ ଗିରଫ ନାଇଜେରିଆ ଯୁଵକଙ୍କୁ ରିମାଣ୍ଡରେ ଆଣିଵା ପରେ ପୋଲିସ ତାଙ୍କ ଠାରୁ ବହୁ ଗୁରୁତ୍ୱପୁର୍ଣ୍ଣ ତଥ୍ୟ ହାସଲ କରିଛି । ନାଇଜେରିଆ ଯୁଵକ ଜେଜେ ରେମଣ୍ଡ ସୋସିଆଲ ମିଡିଆରେ ବନ୍ଧୁତା କରିଵା ପରେ କୈାଶଳ କ୍ରମେ ଯୁବତୀ ମାନଙ୍କ ଅନ୍ତରଙ୍ଗ ଫଟୋ ହାତେଇ ଵ୍ଲାକମେଲ କରି ଟଙ୍କା ଆଦାୟ କରୁଥିଲା । ଏହି ଭଳି ଶତାଧିକ ଯୁବତୀ ଏହି ଵ୍ଲାକମେଲର ଜାଲରେ ଫଶି କୋଟିଏରୁ ଅଧିକ ଟଙ୍କା ଅଭିଯୁକ୍ତ ରେମଣ୍ଡକୁ ଦେଇଥିଵା ରିମାଣ୍ଡ ସମୟରେ ପଚରା ଉଚୁରା ବେଳେ ଜଣାପଡିଥିଵା ପୋଲିସ କହିଛି ।
ରେମଣ୍ଡର ବ୍ୟାଙ୍କ କାରବାରର ଯାଞ୍ଚ ବେଳେ ମଧ୍ୟ ଏହା ସ୍ପଷ୍ଟ ହୋଇଛି । ଏହା ସହ କିଛି ଭାରତୀୟ ଯୁବତୀଙ୍କ ସମେତ ଅନ୍ୟ ପ୍ରାୟ ୬ଟି ଦେଶର ଯୁବତୀ ଏହି ଵ୍ଲାକମେଲର ଜାଲରେ ଫଶି ଥିବା ଜେରା ବେଳେ ଜଣା ପଡିଛି । ରେମଣ୍ଡ ଗିରଫ ହେଵା ସମୟରେ ତା ଠାରୁ ଦୁଇଟି ଦେଶର ପାସପୋର୍ଟ ଜଵତ ହୋଇଥିଲା । ଗୋଟିଏ ପାସପୋର୍ଟ ନାଇଜେରିଆର ହୋଇଥିବା ବେଳେ ଅନ୍ୟଟି ଆଇଭରୀ କୋଷ୍ଟର ଵୋଲି ଜଣାପଡିଥିଲା। ତେବେ ଏ ଦୁଇଟି ପାସପୋର୍ଟ ସମ୍ପର୍କରେ ଅଧିକ ସୂଚନା ପାଇଁ କମିଶନରେଟ ପୋଲିସ ଦୁଇଟି ଯାକ ଦେଶର ପାସପୋର୍ଟ ବିଭାଗକୁ ଇମେଲ କରିଛି। ରେମଣ୍ଡ ଠାରୁ ଜଵତ ମୋବାଇଲ ଫୋନ୍ ଓ ଲାପଟପ୍ ର ଫୋରେନସିକ ଆନାଲିସିସ୍ କରୁଛି ପୋଲିସ । ରେମଣ୍ଡର ସବୁ ବ୍ୟାଙ୍କ ଆକାଉଣ୍ଟ ଗୁଡିକୁ ପୋଲିସ ଫ୍ରିଜ କରିଵା ସହ ଏହି ଆକାଉଣ୍ଟ ସହ ଲିଙ୍କ ଥିବା ଅନ୍ୟ ଶତାଧିକ ଆକାଉଣ୍ଟକୁ ମଧ୍ୟ ପୋଲିସ ଯାଞ୍ଚ କରୁଥିବା ପୋଲିସ ପକ୍ଷରୁ ସୂଚନା ମିଳିଛି।
