ନୂଆଦିଲ୍ଲୀ: ଆମେରିକାର କାନସସ୍ରେ ଜଣେ ଭାରତୀୟ ବଂଶୋଭବ କ୍ୟାଥୋଲିକ୍ ପାଦ୍ରୀଙ୍କୁ ଗୁଳିମାରି ହତ୍ୟା କରାଯାଇଛି। କାନସସ୍ର ସେନେକା ସହରରେ ଏହି ଘଟଣା ଘଟିଛି ବୋଲି ଚର୍ଚ୍ଚର ଅଧିକାରୀ ମାନେ କହିଛନ୍ତି। ଏହି ମାମଲାରେ ପୋଲିସ ଜଣେ ସନ୍ଦିଗ୍ଧ ବ୍ୟକ୍ତିଙ୍କୁ ଅଟକ ରଖିଛି। କାନସାସ ସିଟି ଆର୍ଚବିଶପ ଜୋସେଫ ନୌମାନ ସୋସିଆଲ ମିଡିଆରେ ପୋଷ୍ଟ କରି ଏହି ସୂଚନା ସେୟାର କରିଛନ୍ତି। ସେ ଲେଖିଛନ୍ତି, "ଆଜି ସକାଳେ ଗୁଳି କରି ହତ୍ୟା କରାଯାଇଥିବା ଫାଦର ଅରୁଲ କେରାସାଲାଙ୍କ ଦୁଃଖଦ ମୃତ୍ୟୁ ଖବର ସେୟାର କରି ଗଭୀର ଦୁଃଖ ଅନୁଭବ କରୁଛି।"
ଗଣମାଧ୍ୟମ ରିପୋର୍ଟ ଅନୁଯାୟୀ, କାରାସାଲା ୨୦୧୧ ମସିହାରୁ ସେନେକାରେ ସେଣ୍ଟସ୍ ପିଟର ଏବଂ ପଲ୍ କ୍ୟାଥୋଲିକ୍ ଚର୍ଚ୍ଚରେ ପାଦ୍ରୀ ଥିଲେ। ତାଙ୍କୁ ୧୯୯୪ ମସିହାରେ ଭାରତରେ ପାଦ୍ରୀ ଭାବରେ ନିଯୁକ୍ତ କରାଯାଇଥିଲା ଏବଂ ୨୦୦୪ ମସିହାରୁ କାନସାସରେ ପାଦ୍ରୀ ଭାବରେ ସେବା କରୁଥିଲେ। କାରାସାଲା ୨୦୧୧ ମସିହାରେ ଆମେରିକୀୟ ନାଗରିକତା ଗ୍ରହଣ କରିଥିଲେ। ଭାରତୀୟ ବଂଶୋଦ୍ଭବ ପାଦ୍ରୀଙ୍କୁ ଚର୍ଚ୍ଚରେ ପାଦ୍ରୀଙ୍କ ଘର ଭିତରେ ଗୁଳି କରାଯାଇଥିଲା ଏବଂ କିଛି ସମୟ ପରେ ସ୍ଥାନୀୟ ହସ୍ପିଟାଲରେ ତାଙ୍କର ମୃତ୍ୟୁ ହୋଇଥିଲା। ଏହି ଘଟଣାରେ ପୋଲିସ ଜଣେ ସନ୍ଦିଗ୍ଧ ବନ୍ଧୁକଧାରୀକୁ ଅଟକ ରଖିଥିବା ଜଣାପଡ଼ିଛି।
ଆର୍ଚବିଶପ ତାଙ୍କ ପୋଷ୍ଟରେ କହିଛନ୍ତି ଯେ ପାଦ୍ରୀଙ୍କ ମୃତ୍ୟୁ ଉତ୍ତର-ପୂର୍ବ କାନସାସର ପ୍ରାୟ ୨୧୦୦ ଲୋକଙ୍କୁ ଦୁଃଖିତ ଏବଂ ମର୍ମାହତ କରିଛି।
