ନୂଆଦିଲ୍ଲୀ,୦୪/୦୪: ଇଣ୍ଡିଆନ ପ୍ରିମିୟର ଲିଗ୍ର ସିଜିନ୍ ୧୮ ଜାରି ରହିଛି । ଗତକାଲି (ଗୁରୁବାର) ଇଡ଼େନ ଗାର୍ଡେନରେ କୋଲକାତା ନାଇଟ ରାଇଡ଼ର୍ସ ଓ ସନରାଇଜର୍ସ ହାଇଦ୍ରାବାଦ ମଧ୍ୟରେ ଏକ ମ୍ୟାଚ ଖେଳାଯାଇଥିଲା । ଯେଉଁଥିରେ ହାଇଦ୍ରାବାଦକୁ ୨୦୧ରନର ଟାର୍ଗେଟ୍ ଦେଇଥିଲା କୋଲକାତା । ୧୨୦ ରନରେ ଅଲ ଆଉଟ ହୋଇଥିଲା ହାଇଦ୍ରାବାଦ । ଚଳିତ ସିଜନରେ ଏଯାବତ ଦଳ ୩ ଥର ଅଲଆଉଟ ହୋଇଛି । ଆମେ ଆଇପିଏଲ ଇତିହାସରେ ସବୁଠୁ କମ୍ ଦଳୀୟ ସ୍କୋର କଥା କହିବା ତେବେ ଏହି ରେକର୍ଡ ଆରସିବି ନାମରେ ରହିଛି । ଆସନ୍ତୁ ଜାଣିବା ଆଇପିଏଲର ଟପ୍ ୫ କମ୍ ସ୍କୋର ।
ଆରସିବି- ୪୯ରନ୍, ୨୦୧୭
ଆଇପିଏଲ ଇତିହାସରେ ସବୁଠୁ କମ୍ ସ୍କୋର କଥା କଥା କହିବା ତେବେ ଆରସିବି ନାମ ଆସିବ । ୨୦୧୭ ଏପ୍ରିଲ ୨୩ରେ ଇଡ଼େନ ଗାର୍ଡେନରେ କେକେଆର ବିପକ୍ଷରେ ଆରସିବି ୯.୪ ଓଭରରେ ମାତ୍ର ୪୯ରନ କରି ଅଲଆଉଟ ହୋଇଥିଲା ।
ରାଜସ୍ଥାନ ରୟାଲ୍ସ-୫୮ ରନ, ୨୦୦୯
୨୦୦୯ ଆଇପିଏଲରେ ଏକ ମ୍ୟାଚରେ ସବୁଠୁ ଲୋ-ସ୍କୋର କରି ଅଲଆଉଟ ହୋଇଥିଲା ରାଜସ୍ଥାନ ରୟାଲ୍ସ । ପ୍ରଥମ ଆଇପିଏଲ ସିଜିନ ବିଜେତା ରାଜସ୍ଥାନ ନାମରେ ଏହି ରେକର୍ଡ ରହିଛି । ଆରସିବି ବିପକ୍ଷ ଏକ ମ୍ୟାଚରେ ୫୮ ରନ କରି ଅଲଆଉଟ ହୋଇଥିଲା ରାଜସ୍ଥାନ ।
ରାଜସ୍ଥାନ ରୟାଲ୍ସ-୫୯ ରନ ୨୦୨୩
ଆଇପିଏଲରେ ତୃତୀୟ ସବୁଠୁ କମ୍ ଦଳୀୟ ସ୍କୋର କରିଥିବା ରେକର୍ଡ ମଧ୍ୟ ରାଜସ୍ଥାନର ରୟାଲ୍ସ ନାମରେ ରହିଛି । ୨୦୨୩ରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ବିପକ୍ଷ ଏକ ମ୍ୟାଚରେ ରାଜସ୍ଥାନ ୫୯ରନ କରି ଅଲଆଉଟ ହୋଇଥିଲା ।
ଦିଲ୍ଲୀ ଡେୟାରଡେଭିଲ୍ସ-୬୬ ରନ୍ ୨୦୧୭
ଦିଲ୍ଲୀ ଡେୟାରଡେଭିଲ୍ସ ୨୦୧୭ ଆଇପିଏଲ ସିଜନରେ ମୁମ୍ବାଇ ବିପକ୍ଷରେ ଏକ ମ୍ୟାଚ ଖେଳିଥିଲା । ଯେଉଁଥିରେ ୬୬ରନ କରି ଅଲଆଉଟ ହୋଇଥିଲା ।
ଦିଲ୍ଲୀ ଡେୟାରଡେଭିଲ୍ସ-୬୭ ରନ୍ ୨୦୧୭
ଦିଲ୍ଲୀ ଡେୟାରଡେଭିଲ୍ସ ସେହି ବର୍ଷ ଅର୍ଥାତ ୨୦୧୭ ଆଇପିଏଲ ସିଜନରେ କିଙ୍ଗସ୍ ଇଲେଭେନ ପଞ୍ଜାବ ବିପକ୍ଷରେ ଏକ ମ୍ୟାଚ ଖେଳିଥିଲା । ଯେଉଁଥିରେ ୬୭ରନ କରି ଅଲଆଉଟ ହୋଇଥିଲା ।
