ପ୍ରମୂଖ ଖବର
  • ବାଲେଶ୍ୱର : ଟ୍ରକ୍‌ ଧକ୍କାରେ ସାଇକେଲ ଆରୋହୀଙ୍କ ମୃତ୍ୟୁ
  • ||
  • ବଲାଙ୍ଗୀର : ଆମ୍ବୁଲାନ୍ସର ଅକ୍ସିଜେନ୍ ସିଲିଣ୍ଡର ବିସ୍ଫୋରଣ: ଜଣେ ଗୁରୁତର, ଅଳ୍ପକେ ବର୍ତ୍ତିଲେ ମାଆ ଛୁଆ
  • ||
  • ଆଠଗଡ଼ : ବୁଣାକାରଙ୍କ ନାଁରେ ଟଙ୍କା ଚଳୁ: ଭୂତ ନେଇଛନ୍ତି ଅଢେଇ କୋଟି, ଉଚ୍ଚ ସ୍ତରୀୟ ତଦନ୍ତ ପାଇଁ ଉପଜିଲ୍ଲାପାଳଙ୍କୁ ଦାବି
  • ||
  • ବିଡିଏରେ ମିଶିଲା ୧୪୩ ରାଜସ୍ୱ ଗ୍ରାମ,ଖୋର୍ଦ୍ଧା, ପିପିଲି, ଜଟଣୀର ନୂଆ ଗ୍ରାମ ସାମିଲ,ପଟିଆରେ ହେବ ବାଣିଜ୍ୟ ହବ୍‌
  • ||
  • IPL 2025: ଆଜି ସୁପରଜାଏଣ୍ଟ୍‌ସ-ମୁମ୍ବାଇ ଇଣ୍ଡିଆନ୍ସ ଟକ୍କର, ସୁପରଜାଏଣ୍ଟ୍‌ସ-ମୁମ୍ବାଇ ଇଣ୍ଡିଆନ୍ସ
  • ||
  • ଜଟଣୀରେ ଚାଞ୍ଚଲ୍ୟ, ଯୁବକଙ୍କୁ ବିଚ୍‌ ରାସ୍ତାରେ ହାଣିଦେଲେ ଦୁର୍ବୃତ୍ତ
  • ||
  • ଆଉ ନାହାନ୍ତି ବଲିଉଡ଼ ଅଭିନେତା ମନୋଜ କୁମାର, ୮୭ ବର୍ଷ ବୟସରେ ପରଲୋକ
  • ||
  • ରାଜ୍ୟରେ କାଳବୈଶାଖୀ ପ୍ରଭାବରେ ତାତିରୁ ସାମାନ୍ୟ ଆଶ୍ୱସ୍ତି, ଦୁଇ ଦିନ ପରେ ପୁଣି ବଢ଼ିବ ତାପମାତ୍ରା
  • ||

IPL 2025: ଆଇପିଏଲ୍‌ ମଝିରୁ କାହିଁକି ଗୁଜରାଟ କ୍ୟାମ୍ପ ଛାଡ଼ିଲେ କାଗିସୋ ରାବାଡା ?

Published By : Tapas Panda | April 3, 2025 8:53 PM

Image Courtesy: navbharattimes

ମୁମ୍ବାଇ: ବୁଧବାର ଆରସିବିକୁ ହରାଇ ଆଇପିଏଲ୍‌ ୨୦୨୫ରେ ଦ୍ବିତୀୟ ବିଜୟ ହାସଲ କରିଥିଲା ଗୁଜରାଟ ଟାଇଟନ୍ସ। ଦଳ ପଏଣ୍ଟ ଟେବୁଲ୍‌ର ଶୀର୍ଷକୁ ଉଠିବାକୁ ଚେଷ୍ଟା କରୁଥିବା ବେଳେ ବଡ଼ ଝଟକା ଲାଗିଛି । ମିଳିଥିବା ସୂଚନା ଅନୁସାରେ, ଦଳର ତାରକା ବୋଲର କାଗିସୋ ରାବାଡା ନିଜ ଘରକୁ ଫେରି ଯାଇଛନ୍ତି । ସେ କାହିଁକି ଫେରିଯିବାକୁ ନିଷ୍ପତ୍ତି ନେଇଛନ୍ତି ସେନେଇ ସୂଚନା ମିଳିନଥିବା ବେଳେ ଦଳ ପାଇଁ ଏହା ବହୁତ ବଡ଼ କ୍ଷତି ହେବ ।  

ଗୁଜୁରାଟ ଟାଇଟନ୍ସ ପକ୍ଷରୁ କୁହାଯାଇଛି ଯେ, ଦଳର ଦ୍ରୁତ ବୋଲର କାଗିସୋ ରାବାଡା କିଛି ବ୍ୟକ୍ତିଗତ କାମ ଯୋଗୁଁ ହଠାତ୍ ଦକ୍ଷିଣ ଆଫ୍ରିକା ଫେରି ଯାଉଛନ୍ତି। ହେଲେ ରାବାଡା କେବେ ଫେରିବେ ସେନେଇ ସୂଚନା ଦେଇନାହିଁ ଦଳ । ରାବାଡା ଚଳିତ ଆଇପିଏଲରେ ଗୁଜରାଟ ଟାଇଟନ୍ସ ପାଇଁ ଦୁଇଟି ମ୍ୟାଚ୍ ଖେଳିଛନ୍ତି । ଦୁଇଟି ମ୍ୟାଚରେ ସେ କେବଳ ଦୁଇଟି ୱିକେଟ୍ ନେଇଛନ୍ତି। ପଞ୍ଜାବ କିଙ୍ଗ୍ସ ବିପକ୍ଷରେ ସେ ୪୧ ରନ ଦେଇ ଗୋଟିଏ ୱିକେଟ୍ ନେଇଥିଲେ । ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ସେ ୪୨ ରନ ଦେଇ ଗୋଟିଏ ୱିକେଟ୍ ନେଇଥିଲେ।

ବୁଧବାର ଗୁଜରାଟ ଟାଇଟନ୍ସ, ଆରସିବି ବିପକ୍ଷରେ ମ୍ୟାଚ୍‌ ଖେଳିଥିଲା । ଏହି ମ୍ୟାଚ୍‌ରେ କାଗିସୋ ରାବାଡା ଖେଳି ନଥିଲେ । ତାଙ୍କ ସ୍ଥାନରେ ଅରଶଦ ଖାନଙ୍କୁ ସୁଯୋଗ ମିଳିଥିଲା। ଗୁଜରାଟ ଟାଇଟନ୍ସ ଏହି ମ୍ୟାଚ୍‌ରେ ଚମତ୍କାର ବିଜୟ ହାସଲ କରିଥିଲା । ଏବେ ଦଳକୁ ଚିନ୍ତା କରିବାକୁ ପଡିବ ଯେ, ପରବର୍ତ୍ତୀ ମ୍ୟାଚ୍‌ରେ କେଉଁ ଚାରି ଜଣ ବିଦେଶୀ ଖେଳାଳିଙ୍କୁ ଖେଳାଇବ। ଦଳ ପାଖରେ ବହୁତ ବିକଳ୍ପ ଅଛି। ନିଜର ଚମତ୍କାର ଫିଲ୍ଡିଂ ଏବଂ ବିସ୍ଫୋରକ ବ୍ୟାଟିଂ ଯୋଗୁଁ ସାରା ବିଶ୍ବରେ ପ୍ରସିଦ୍ଧି ଅର୍ଜନ କରିଥିବା ଗ୍ଲେନ୍ ଫିଲିପ୍ସଙ୍କୁ ସୁଯୋଗ ମିଳିନାହିଁ। ହୁଏତ ତାଙ୍କୁ ପରବର୍ତ୍ତୀ ମ୍ୟାଚ୍ ଖେଳିବାର ସୁଯୋଗ ମିଳିପାରେ।

ଗେରାଲ୍ଡ କୋଏତଜୀ ମଧ୍ୟ ଚୂଡ଼ାନ୍ତ ଏକାଦଶରେ ସ୍ଥାନ ପାଇନାହାନ୍ତି। ଦଳ ଏପର୍ଯ୍ୟନ୍ତ ତିନୋଟି ମ୍ୟାଚ୍ ଖେଳିଛି ଏବଂ ଦୁଇଟିରେ ବିଜୟୀ ହୋଇଛି। ଦଳ ବର୍ତ୍ତମାନ ପଏଣ୍ଟ ଟେବୁଲରେ ଚତୁର୍ଥ ସ୍ଥାନରେ ଅଛି। ଗୁଜରାଟ ଟାଇଟନ୍ସ ଦଳ ପରବର୍ତ୍ତୀ ମ୍ୟାଚ୍ ଏପ୍ରିଲ ୬ରେ ସନରାଇଜର୍ସ ହାଇଦ୍ରାବାଦ ବିପକ୍ଷରେ ଖେଳିବ । ସେପଟେ ଯଦି କାଗିସୋ ରାବାଡା ସମ୍ପୂର୍ଣ୍ଣ ସିଜିନ୍ ଖେଳିବେ ନାହିଁ, ତେବେ ଦଳକୁ ତାଙ୍କ ସ୍ଥାନରେ ଅନ୍ୟ ଜଣେ ଖେଳାଳିଙ୍କ ନାମ ଘୋଷଣା କରିବାକୁ ପଡିବ। 

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.