ଗୋପାଳପୁର, ୦୭/୦୫: ଗୋପାଳପୁର ବସଷ୍ଟାଣ୍ଡ ନିକଟରେ ଥିବା ଆହାର କେନ୍ଦ୍ରକୁ ଯାଇ ବୁଧବାର ଅଚାନକ ତଦାରଖ କରିବା ସହ ରନ୍ଧା ଖାଦ୍ୟ ଯାଞ୍ଚ କରିଛନ୍ତି ଏନ୍ଏସି କାର୍ଯ୍ୟନିର୍ବାହୀ ଅଧିକାରୀ ପ୍ରମୋଦ କୁମାର ପାଢ଼ୀ । ଆହାର କେନ୍ଦ୍ର ସଫା ସୁତରା, ପାନୀୟ ଜଳର ବ୍ୟବସ୍ଥା ବୁଲି ଦେଖିବା ସହ ରନ୍ଧାଖାଦ୍ୟ ମଧ୍ୟ ଖାଇଥିଲେ ।
ଗତ ବର୍ଷ ଶ୍ରୀ ଗୁପ୍ତେଶ୍ୱର ମହିଳା ସଙ୍ଘ ପକ୍ଷରୁ ଆହାର କେନ୍ଦ୍ର ପରିଚାଳନା ପାଇଁ ଦାୟିତ୍ଵ ଦିଆଯାଇଥିଲା। ଏ ନେଇ କାର୍ଯ୍ୟ ନିର୍ବାହୀ ଅଧିକାରୀ ପ୍ରମୋଦ କୁମାର ପାଢ଼ୀ ସହ ଯୋଗାଯୋଗ ବେଳେ କେନ୍ଦ୍ର ପରିସର ସଫା ସୁତରା ରହିଛି ଏବଂ ରନ୍ଧାଖାଦ୍ୟ ଉନ୍ନତ ମାନର ରହିଛି ବୋଲି ସେ କହିଛନ୍ତି । ଏହି ଭଳି ଜାରି ରଖିବାକୁ ସଙ୍ଘକୁ କୁହାଯାଇଥିବା କହିଛନ୍ତି । ତଦାରଖ ବେଳେ ଏନ୍ଏସି ଅଧକ୍ଷ ଏ.ଜାନକୀ ରାମ,ସିଇଓ ସାଗରିକା ବିଷୋୟୀ, କାଉନସିଲର ଜି.ମୋହନ, କେ. କଲେଶୁ, ଜି. ମୋହନ ରାଓ, ଏସ. ବୀରେନ ପ୍ରମୁଖ ଉପସ୍ଥିତ ଥିଲେ।
