ଭୁବନେଶ୍ୱର,୦୪/୦୪:ଜଟଣୀରେ ଗଡ଼ିଲା ମୁଣ୍ଡ । ବିଚ୍ ରାସ୍ତାରେ ସଙ୍ଘବଦ୍ଧ ଭାବେ ଯୁବକଙ୍କୁ ଆକ୍ରମଣ କଲେ ଦୁର୍ବୃତ୍ତ । ଧାରୁଆ ଅସ୍ତ୍ରରେ ହାଣିଦେଲେ ମୁଣ୍ଡ । ମୃତକ ହେଲେ ଜଟଣୀ ବିକାଶ ନଗର ଅଞ୍ଚଳର ମାନସ ଦଳେଇ । ହତ୍ୟାକାଣ୍ଡର କାରଣ ଅସ୍ପଷ୍ଟ ରହିଥିବା ବେଳେ ଖୋର୍ଦ୍ଧା ଜିଲ୍ଲା ଜଟଣୀରୁ ଏଭଳି ଏକ ଚାଞ୍ଚଲ୍ୟକର ଖବର ସାମ୍ନାକୁ ଆସିଛି ।
ସୂଚନା ମୁତାବକ, ଗୁରୁବାର ରାତି ଅଧରେ ଜଟଣୀ ବିକାଶ ନଗର ଅଞ୍ଚଳର ମାନସ ଦଳେଇଙ୍କୁ କିଛି ଦୁର୍ବୃତ୍ତ ସଙ୍ଘବଦ୍ଧ ଭାବେ ବିଚ୍ ରାସ୍ତାରେ ଆକ୍ରମଣ କରିଥିଲେ । ଏକ ଧାରୁ ଅସ୍ତ୍ରରେ ଆକ୍ରମଣ କରି ଯୁବକଙ୍କ ମୁଣ୍ଡକୁ ହାଣି ଦେଇଥିଲେ । ଯୁବକ ଜଣକ ଘଟଣା ସ୍ଥଳରେ ହିଁ ପ୍ରାଣ ହରାଇଥିଲେ । ଏନେଇ ଖବର ପାଇବା ପରେ ଜଟଣୀ ପୋଲିସ ଘଟଣା ସ୍ଥଳରେ ପହଞ୍ଚିଛି । ଘଟଣା ସ୍ଥଳରେ ପହଞ୍ଚି ମୃତଦେହକୁ ଏମ୍ସ ପଠାଇ ଘଟଣାର ତଦନ୍ତ ଆରମ୍ଭ କରିଛି ପୋଲିସ। ତେବେ ଏହି ହତ୍ୟାକାଣ୍ଡ ପଛର କାରଣ କଣ ଏବଂ କେଉଁମାନେ ଏଭଳି କାଣ୍ଡ କରିଛନ୍ତି, ତାହା ଜାଣିବା ପାଇଁ ସମସ୍ତ ଦିଗରୁ ତଦନ୍ତ କରୁଛି ପୋଲିସ ।
