ନୀଳଗିରି,୦୭/୧୨: ବାଲେଶ୍ୱର ଜିଲ୍ଲା ନୀଳଗିରି ଅଞ୍ଚଳକୁ ଆସିଛନ୍ତି ଝାଡ଼ଖଣ୍ଡ ହାତୀପଲ । ନୀଳଗିରି ସୀମାନ୍ତ ମୟୂରଭଞ୍ଜ ଜିଲ୍ଲା ବେତନଟୀ ରେଞ୍ଜ ନଡ଼ପୁର ଜଙ୍ଗଲ ଛାଡି ନଖରା ଦେଇ ଦଲକୀ ଅଞ୍ଚଳରେ ନୀଳଗିରି ମୁହାଁହୋଇଥିଲେ ୭୦ ଟି ହାତୀଟିକିଆ ହାତୀପଲ । ଶନିବାର ଭୋରରେ ୫୫ଟି ହାତୀ ସୋନ ନଦୀ ପାର ହୋଇ କାଠପାଳ, ଜୁଣକୋଇଲି ଦେଇ ଆସିଛନ୍ତି । ପରେ ଗୋପାଳପୁର ସଂରକ୍ଷିତ ଜଙ୍ଗଲରେ ହାତୀପଲ ପଶିଛନ୍ତି ।
ତେବେ ଆସିବା ରାସ୍ତାରେ ବ୍ୟାପକ ଧାନ ଫସଲ ନଷ୍ଟ କରିଥିବା ଦେଖିବାକୁ ମିଳିଛି । ଏବେ ଧାନ ଅମଳ ସମୟ ହୋଇଥିବା ବେଳେ ହାତୀପଲ ବ୍ୟାପକ ଧାନଫସଲ ନଷ୍ଟ କରିବା ସହିତ ଘର ଭାଙ୍ଗିବା ସମ୍ବାବନା ଥିବାରୁ ଅଞ୍ଚଳବାସୀ ଆତଙ୍କିତ ହୋଇପଡିଛନ୍ତି । ଟ୍ରେଞ୍ଜ ଓ ସୋଲାର ଫେନ୍ସି ଅଚଳ ହୋଇପଡିଥିବା ବେଳେ ବନବିଭାଗ ମଧ୍ୟ ଚିନ୍ତାରେ ପଡିଛି । ତେବେ ହାତୀର ଗତିବିଧି ଉପରେ ବନବିଭାଗ ନଜର ରଖିଛି ।
