ଗୋପାଳପୁର ୧୪/୪ : ବ୍ରହ୍ମପୁର ବିଶ୍ବବିଦ୍ୟାଳୟ ନିକଟସ୍ଥ ଅନ୍ତରବାଟିଆ ଗ୍ରାମର ମା’ ଦକ୍ଷିଣ କାଳୀ ମନ୍ଦିର ପ୍ରାଙ୍ଗଣରେ ମେରୁ ଯାତ୍ରା ମହାଆଡମ୍ବରରେ ପାଳିତ ହୋଇଯାଇଛି। ୧୩ ଦିନିଆ ଦଣ୍ଡରେ ବହାରି ସୋମବାର ଶେଷ ଦିନରେ ଦଣ୍ଡୁଆ ମାନେ ଗ୍ରାମରେ ଧୂଳିଦଣ୍ଡ, ପାଣିଦଣ୍ଡ  କରିଥିଲେ।

ପୂଜାର୍ଚ୍ଚନା ସରିବା ପରେ ପାଟଭୁକ୍ତା ପ୍ରଶାନ୍ତ କୁମାର ଦାସଙ୍କୁ ଝଜାଙ୍ଗ ପତ୍ର, ଦହି, କଦଳୀ ବଟାକୁ ଲେପନ ଦେଇ ମେରୁ ଖୁଣ୍ଟକୁ ଆଣି ଝୁଲାଯାଇଥିଲା l ପୁରୋହିତ ଭାବେ ବନୋଜ କୁମାର ଶତପଥୀ, କର୍ତ୍ତା ଭାବେ ରାମହରି ଦାସ ଏବଂ ଅର୍ଜୁନ ଦାସ ପୂଜାର୍ଚ୍ଚନା କରି ମେରୁ ଝୁଲଣ କରାଯାଇଥିଲା। ପରେ ମନ୍ଦିରକୁ ନିଆଯାଇଥିଲା l ଏଥିରେ ଆଖପାଖ ଅଞ୍ଚଳର ବହୁ ଭକ୍ତ ଓ ମାନସିକ ଧାରି ମାନେ ପହଞ୍ଚି ମେରୁ ଦର୍ଶନ କରିବା ସହ ଭୋଗ ରାଗ କରିଥିଲେ ।